റോഡിൽ പാകിസ്ഥാന്‍ പതാകയുടെ സ്റ്റിക്കറുകൾ ഒട്ടിച്ചു: കർണാടകയിൽ ആറ് ബജ്‌റംഗ് ദൾ പ്രവർത്തകരെ പോലീസ് കസ്റ്റഡിയിലെടുത്തു
ബെംഗളൂരു: വടക്കന്‍ കർണാടകയിലെ കലബുറുഗിയില്‍ നടുറോഡിൽ പാകിസ്ഥാന്‍ പതാകയുടെ സ്റ്റിക്കറുകൾ പതിപ്പിച്ച സംഭവത്തിൽ ആറ് ബജ്‌റംഗ് ദൾ പ്രവർത്തകാരെ പോലീസ് കസ്റ്റഡിയിലെടുത്തു. ഇവരെ പിന്നീട് വിട്ടയച്ചു.
വെള്ളിയാഴ്ച രാവിലെയോടെയാണ് റോഡുകളിൽ പാക് പതാകകൾ പ്രത്യക്ഷപ്പെട്ടത്. പഹൽഗാമിൽ വിനോദസഞ്ചാരികൾക്ക് നേരെയുണ്ടായ ഭീകരാക്രമണത്തെ അപലപിച്ച് നഗരത്തിലെ വിവിധയിടങ്ങളിൽ പാക്കിസ്ഥാന്‍ പതാകകൾ സ്ഥാപിച്ചും റോഡിൽ പതാകകൾ ഒട്ടിച്ചുമാണ് ബജ്‌റംഗ് ദൾ പ്രവര്‍ത്തകര്‍ പ്രതിഷേധം സംഘടിപ്പിച്ചത്.
കലബുറുഗി നഗരത്തിലെ ജഗത് സർക്കിൾ, ആലന്ദ് നാക്ക, മാർക്കറ്റ് ചൗക്ക്, സാത്ത് ഗുംബാസ് തുടങ്ങിയ സ്ഥലങ്ങളിലാണ് പാകിസ്ഥാന്‍ പതാകയുടെ വലിയ സ്റ്റിക്കറുകൾ ഒട്ടിച്ചത്. അനുമതി വാങ്ങാതെയാണ് ഇവര്‍ പ്രതിഷേധപ്രകടനം നടത്തിയത്. വിവരമറിഞ്ഞ് സ്ഥലത്തെതിയ സിറ്റി പോലീസ് കമീഷണർ എസ്.ഡി. ശരണപ്പയും മറ്റ് പോലീസുകാരും സ്ഥലങ്ങൾ പിന്നീട് പോസ്റ്ററുകൾ നീക്കം ചെയ്തു. ആറ് പേരെ മുൻകരുതൽ അറസ്റ്റ് ചെയ്തതായും പിന്നീട് വിട്ടയച്ചതായും പോലീസ് കമീഷണർ പറഞ്ഞു. സംഭവത്തെ കുറിച്ചു വിശദമായി അന്വേഷിക്കുമെന്നും പോലീസ് വ്യക്തമാക്കി.
TAGS : BAJRANG DAL | KALBURGI
SUMMARY : Six Bajrang Dal activists detained in Karnataka for pasting Pakistani flag stickers on the road
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.