പാലക്കാട്: വിഷു-ഈസ്റ്റര്‍, വേനൽ അവധി എന്നിവയുടെ ഭാഗമായുള്ള യാത്രക്കാരുടെ തിരക്ക് പരിഗണിച്ച് സ്പെഷ്യല്‍ ട്രെയിൻ ഏർപ്പെടുത്തി ഇന്ത്യൻ റെയിൽവേ. നാട്ടിലെത്താൻ ടിക്കറ്റിനായി നെട്ടോട്ടമോടുന്ന മലയാളികൾക്കായാണ് വിഷു അവധിക്കാല ട്രെയിനുകൾ പ്രഖ്യാപിച്ചിരിക്കുന്നത്. മംഗളൂരു, ബെംഗളൂരു, ചെന്നൈ എന്നിവിടങ്ങളില്‍ നിന്നുമാണ് കേരളത്തിലേക്ക് സ്പെഷ്യൽ ട്രെയിൻ സർവീസ് ഉണ്ടാവുക.
▪️ ട്രെയിൻ നമ്പർ 06113/06114-ചെന്നൈ സെൻട്രൽ-കൊല്ലം ജങ്ഷൻ വിക്‌ലി സ്പെഷൽ എക്‌സ്പ്രസ്
ചെന്നൈ സെൻട്രൽ-കൊല്ലം ജങ്ഷൻ വിക്‌ലി സ്പെഷൽ എക്‌സ്പ്രസ് (ട്രെയിൻ നമ്പർ: 06113) ഏപ്രിൽ 12, 19 തീയതികളിൽ സർവിസ് നടത്തും. രാത്രി 11.20ന് ചെന്നൈയിൽനിന്ന് പുറപ്പെടുന്ന ട്രെയിൻ അടുത്ത ദിവസം ഉച്ചക്ക് 3.30നാണ് കൊല്ലത്ത് എത്തുക.
ട്രെയിൻ നമ്പർ 06114: കൊല്ലം-ചെന്നൈ സെൻട്രൽ വീക്‌ലി സ്പെഷൽ എക്‌സ്പ്രസ് ഏപ്രിൽ 13, 20 തീയതികളിൽ സർവിസ് നടത്തും. കൊല്ലത്തു നിന്ന് രാത്രി 7.10ന് പുറപ്പെടുന്ന ട്രെയിൻ അടുത്ത ദിവസം രാവിലെ 11.10നാണ് ചെന്നൈയിൽ എത്തുക.
▪️ ട്രെയിൻ നമ്പർ 06051/06052-മംഗളൂരു-തിരുവനന്തപുരം നോർത്ത് വീക്‌ലി സ്പെഷൽ എക്‌സ്പ്രസ്
മംഗളൂരു-തിരുവനന്തപുരം നോർത്ത് വീക്‌ലി സ്പെഷൽ എക്‌സ്പ്രസ് ഏപ്രിൽ 10, 17 തീയതികളിൽ സർവിസ് നടത്തും. മംഗളൂരു ജങ്ഷനിൽ നിന്ന് വൈകുന്നേരം ആറ് മണിക്ക് പുറപ്പെടുന്ന ട്രെയിൻ അടുത്ത ദിവസം രാവിലെ 6.35നാണ് തിരുവനന്തപുരം നോർത്തിൽ എത്തിച്ചേരുക.
ട്രെയിൻ നമ്പർ 06052: തിരുവനന്തപുരം നോർത്ത്-മംഗളൂരു വീക്‌ലി സ്പെഷൽ എക്‌സ്പ്രസ് ഏപ്രിൽ 11, 18 തീയതികളിൽ സർവിസ് നടത്തും. തിരുവനന്തപുരം നോർത്തിൽ നിന്ന് വൈകുന്നേരം 6.40ന് പുറപ്പെടുന്ന ട്രെയിൻ അടുത്ത ദിവസം രാവിലെ ഏഴിനാണ് മംഗളൂരുവിൽ എത്തുക.
കൂടാതെ എസ്എംവിടി ബെംഗളൂരു – തിരുവനന്തപുരം നോർത്ത് (കൊച്ചുവേളി) സ്പെഷൽ ട്രെയിനുകളും റെയിൽവേ പ്രഖ്യാപിച്ചിട്ടുണ്ട്. എസ്എംവിടി റെയിൽവേ സ്റ്റേഷനിൽ നിന്ന് ഏപ്രിൽ 11, 18, 25, മെയ് – രണ്ട്, ഒമ്പത്, 16, 23, 30 എന്നീ തീയതികളിൽ രാത്രി 10.00 മണിക്ക് പുറപ്പെട്ട് പിറ്റേദിവസം ഉച്ചയ്‌ക്ക് 2.00 മണിക്ക് തിരുവനന്തപുരം നോർത്ത് റെയിൽവേ സ്റ്റേഷനിൽ എത്തിച്ചേരുന്ന തരത്തിലാണ് ക്രമീകരണം. ഈ യാത്രയിൽ സ്ലീപ്പറിന് 450 രൂപയും എസി ത്രീ ടയറിന് 1220 രൂപയുമാണ് നിരക്ക് ഈടാക്കുന്നത്.
TAGS : SPECIAL TRAIN | VISHU SPECIAL
SUMMARY : Vishu-Easter, summer vacation; Know the timings of special train services
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.