ബെംഗളൂരു: ബെംഗളൂരു – വിശാഖപട്ടണം റൂട്ടിൽ സ്പെഷ്യൽ ട്രെയിൻ സർവീസ് പ്രഖ്യാപിച്ചു. യാത്രക്കാരുടെ അധിക തിരക്ക് ഒഴിവാക്കുന്നതിനായി ഈസ്റ്റ് കോസ്റ്റ് റെയിൽവേയാണ് (ഇസിഒആർ) കൂടുതൽ സർവീസ് ഏർപ്പെടുത്തിയത്.
ഏപ്രിൽ 27 മുതൽ ജൂൺ 29 വരെയാണ് സർവീസ്. ട്രെയിൻ നമ്പർ 08549 വിശാഖപട്ടണം-എസ്എംവി ബെംഗളൂരു സമ്മർ സ്പെഷ്യൽ ട്രെയിൻ ശനിയാഴ്ചകളിൽ ഉച്ചയ്ക്ക് 1.15ന് വിശാഖപട്ടണത്ത് നിന്ന് പുറപ്പെടും. അടുത്ത ദിവസം രാവിലെ 7.30ന് ബെംഗളൂരുവിൽ എത്തും.
08550 എസ്എംവി ബെംഗളൂരു-വിശാഖപട്ടണം സമ്മർ സ്പെഷ്യൽ ട്രെയിൻ ഏപ്രിൽ 28 മുതൽ ജൂൺ 30 വരെ ഞായറാഴ്ചകളിൽ ഉച്ചയ്ക്ക് 12 മണിക്ക് എസ്എംവി ബെംഗളൂരുവിൽ നിന്ന് പുറപ്പെട്ട് അടുത്ത ദിവസം രാവിലെ 9 മണിക്ക് വിശാഖപട്ടണത്തെത്തും. ദുവ്വാഡ, രാജമുണ്ട്രി, വിജയവാഡ, ഓംഗോൾ, നെല്ലൂർ, ഗുഡൂർ, റെനിഗുണ്ട, കാട്പാടി, ജോലാർപേട്ട, കൃഷ്ണരാജപുരം എന്നിവിടങ്ങളിൽ സ്റ്റോപ്പുണ്ടാകും.
The post ബെംഗളൂരു – വിശാഖപട്ടണം സ്പെഷ്യൽ ട്രെയിൻ 27 മുതൽ appeared first on News Bengaluru.
WhatsApp
Telegram
