ബെംഗളൂരു : ഹെസറഘട്ട ഇന്ത്യൻ ഇൻസ്റ്റിറ്റ്യൂട്ട് ഓഫ് ഹോർട്ടികൾച്ചറൽ റിസർച്ച് സംഘടിപ്പിക്കുന്ന 11-ാമത് മാമ്പഴം- ചക്കപ്പഴ- പഴം മേളയ്ക്ക് ഇന്ന് തുടക്കമാകും. ത്രിച്ചി നാഷണൽ റിസർച്ച് സെന്റർ ഓൺ ബനാനയുമായി സഹകരിച്ച് നടത്തുന്ന മേള ജൂൺ രണ്ടിന് സമാപിക്കും. 300 ഇനം മാമ്പഴങ്ങളും 100 ഇനം ചക്കകളും 100 ഇനം വാഴപ്പഴങ്ങളും മേളയില്‍ ഉണ്ടായിരിക്കും. സന്ദര്‍ശകര്‍ക്ക് കർഷകരിൽനിന്ന് നേരിട്ട് ഉത്പന്നങ്ങൾ വാങ്ങാനുള്ള അവസരവും ഒരുക്കിയിട്ടുണ്ട്.
