ലഹരിമരുന്ന് വിൽപന; ബെംഗളൂരുവിൽ ഒമ്പത് മലയാളികൾ ഉൾപ്പെടെ പത്ത് പേർ പിടിയിൽ
ബെംഗളൂരു: ബെംഗളൂരുവിൽ ലഹരിമരുന്ന് വിൽപന കേസിൽ ഒമ്പത് മലയാളികളും ഒരു വിദേശ പൗരനും പിടിയിൽ. മൂന്ന് വ്യത്യസ്ത കേസുകളിലായാണ് അറസ്റ്റ്. ഇവരിൽനിന്ന് ലക്ഷക്കണക്കിന് രൂപയും മൊബൈൽ ഫോണുകളും വാഹനങ്ങളും പോലീസ് പിടിച്ചെടുത്തതായി പോലീസ് അറിയിച്ചു. ആദ്യത്തെ കേസിൽ മലയാളിയും നഗരത്തിൽ എഞ്ചിനീയറുമായ ജിജോ പ്രസാദ് (25) ആണ് പിടിയിലായത്.
ഇയാളിൽനിന്ന് ഒരു കിലോ ഹൈഡ്രോ കഞ്ചാവാണ് പിടികൂടിയത്. ജിജോയുടെ ബൊമ്മസാന്ദ്രയിലെ വീട്ടിൽ നടത്തിയ പരിശോധനയിൽ രണ്ടരക്കിലോ ഹൈഡ്രോ കഞ്ചാവ് കൂടി പിന്നീട് കണ്ടെടുത്തു. വീട്ടിൽ നിന്ന് 26.06 ലക്ഷം രൂപയും മൊബൈൽ ഫോണും പോലീസ് പിടിച്ചെടുത്തിട്ടുണ്ട്. ഇയാളിൽ നിന്ന് പിടികൂടിയ ഹൈഡ്രോ കഞ്ചാവിന് ഏകദേശം നാലരക്കോടി രൂപ വിലവരുമെന്ന് സിറ്റി പോലീസ് പറഞ്ഞു. ജിജോ പ്രസാദ് കേരളത്തിൽ നിന്നാണ് കഞ്ചാവ് ഉൾപ്പെടെയുള്ള ലഹരിവസ്തുക്കൾ ബെംഗളൂരുവിലേക്ക് എത്തിച്ചിരുന്നതെന്ന് പോലീസ് പറഞ്ഞു. ഹൈഡ്രോ കഞ്ചാവ് ഗ്രാമിന് 12,000 രൂപ വരെ ഈടാക്കിയാണ് വിൽപ്പന നടത്തിയിരുന്നത്. ബൊമ്മസാന്ദ്രയിലെ വാടകവീട് കേന്ദ്രീകരിച്ചാണ് ലഹരിമരുന്ന് വിൽപ്പന നടന്നിരുന്നതെന്നും പോലീസ് പറഞ്ഞു.
രണ്ടാമത്തെ കേസിൽ 110 ഗ്രാം എംഡിഎംഎയുമായി മലയാളികളായ എട്ടുപേരെ സെൻട്രൽ ക്രൈം ബ്രാഞ്ച് പോലീസ് (സിസിബി) ആണ് പിടികൂടിയത്. ഇവരിൽനിന്ന് 10 മൊബൈൽഫോണുകൾ, ടാബ്, ത്രാസ്, രണ്ട് കാറുകൾ എന്നിവയും പിടിച്ചെടുത്തു. മൂന്നാമത്തെ കേസിൽ രണ്ടുകോടി രൂപയുടെ എംഡിഎംഎയുമായി നൈജീരിയൻ പൗരൻ ആണ് അറസ്റ്റിലായത്. ബേഗൂർ സ്റ്റേഷൻ പരിധിയിൽ താമസിച്ചിരുന്ന ഇയാൾ കോളേജ് വിദ്യാർഥികൾക്കും ഐടി ജീവനക്കാർക്കുമാണ് ലഹരിമരുന്ന് വിറ്റിരുന്നത്. വിസാ കാലാവധി കഴിഞ്ഞിട്ടും വ്യാജരേഖകൾ ഉപയോഗിച്ചാണ് ഇയാൾ ഇന്ത്യയിൽ താമസിച്ചുവന്നിരുന്നതെന്നും പോലീസ് കണ്ടെത്തിയിട്ടുണ്ട്.
TAGS: BENGALURU | MALAYALI ARRESTED
SUMMARY: Ten including nine keralites arrested in drug peddling
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.