ബെംഗളൂരു: ബിബിഎംപി വാർഡുകളുടെ അതിർത്തി നിർണയം അടുത്ത നാല് മാസത്തിനുള്ളിൽ പൂർത്തിയാകുമെന്ന് മുഖ്യമന്ത്രി സിദ്ധരാമയ്യ പറഞ്ഞു. 2024 ലെ ഗ്രേറ്റർ ബെംഗളൂരു ഗവേണൻസ് ആക്ടിന് ഗവർണർ താവർചന്ദ് ഗെലോട്ട് അനുമതി നൽകിയതിന്റെ പശ്ചാത്തലത്തിലാണിത്. അടുത്ത നാല് മാസത്തിനുള്ളിൽ സിറ്റി കോർപ്പറേഷനുകളുടെ എണ്ണം നിർണ്ണയിക്കുന്നതിനും അവയുടെ അതിർത്തികൾ നിർണയിക്കുന്നതിനുമായി സംസ്ഥാന സർക്കാർ സമയപരിധി നിശ്ചയിച്ചതായി അദ്ദേഹം പറഞ്ഞു.
പുതുതായി നടപ്പിലാക്കിയ ഗ്രേറ്റർ ബെംഗളൂരു അതോറിറ്റി (ജിബിഎ) നിയമം അടുത്ത 120 ദിവസത്തിനുള്ളിൽ നടപ്പാക്കും. ഏഴ് സിറ്റി കോർപ്പറേഷനുകൾ വരെ സൃഷ്ടിക്കാൻ നിയമം അനുവദിക്കുന്നുണ്ടെങ്കിലും, നിലവിൽ മൂന്നോ അഞ്ചോ കോർപ്പറേഷനുകൾ മാത്രം രൂപീകരിക്കാനാണ് സർക്കാർ തീരുമാനം. ഓരോ നിയമസഭാ മണ്ഡലവും പൂർണ്ണമായും ഒരൊറ്റ കോർപ്പറേഷനിൽ ഉൾപ്പെടുത്തും. ഇതോടെ നിയോജകമണ്ഡലങ്ങളുടെ വിഭജനം ഒഴിവാക്കുന്നു.
കൂടാതെ, ഓരോ കോർപ്പറേഷന്റെയും പേരിൽ ബെംഗളൂരു എന്ന നിർബന്ധമായും ചേർത്തിരിക്കണം. കോർപ്പറേഷനുകളുടെ പേരുകൾ ബെംഗളൂരു സൗത്ത്, ബെംഗളൂരു ഈസ്റ്റ്‌ സിറ്റി എന്നിങ്ങനെ ആയിരിക്കാമെന്ന് ബിബിഎംപി ചീഫ് കമ്മീഷണർ തുഷാർ ഗിരിനാഥ് പറഞ്ഞു. മുൻ ചീഫ് സെക്രട്ടറി ബിഎസ് പാട്ടീൽ അധ്യക്ഷനായ നാലംഗ സമിതി തയ്യാറാക്കിയ കരടുരേഖയിലെ നിർദേശങ്ങളടക്കം ഉൾക്കൊണ്ടാണ് ഗ്രേറ്റർ ബെംഗളൂരു ഗവേണൻസ് ബിൽ 2024 തയ്യാറാക്കിയത്.
ബെംഗളൂരുവിൻ്റെ ഭരണപരമായ കാര്യക്ഷമത വർധിപ്പിക്കുകയാണ് ബില്ലിൻ്റെ ലക്ഷ്യം. നഗരത്തിലെ താഴെത്തട്ടിലെ പ്രവർത്തനങ്ങൾ ഏകോപിപ്പിക്കാനുള്ള ചുമതല വാർഡ് കമ്മിറ്റികൾക്കാണ്. ഇതിന് മുകളിലാണ് ഗേറ്റർ ബെംഗളൂരു അതോറിറ്റിയുടെ മേൽനോട്ടത്തിൽ കോർപറേഷനുകളുടെ പ്രവർത്തനം നടക്കുക. മുഖ്യമന്ത്രി, ബെംഗളൂരു വികസന മന്ത്രി എന്നിവരുടെ നേതൃത്വത്തിലാകും പ്രവർത്തനങ്ങൾ ഏകോപിപ്പിക്കുക.
TAGS: BENGALURU | BBMP
SUMMARY: BBMP Boundaries to be set within four months, says cm
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.