ബെംഗളൂരു: ജനാധിപത്യത്തിൽ വിശ്വാസമില്ലാതാക്കി ജനാധിപത്യപൂർവ്വ സമൂഹങ്ങളുടെ മാനസികഘടനയിലേക്ക് ജനങ്ങളെ വഴിനടത്തുകയാണ് ഫാസിസ്റ്റ് ഭരണകൂടങ്ങളുടെ തന്ത്രങ്ങളിൽ പ്രധാനപ്പെട്ടതെന്ന് ശാന്തകുമാർ എലപ്പുള്ളി പറഞ്ഞു. തിപ്പസാന്ദ്ര ഫ്രണ്ട്സ് അസോസിയേഷൻ പ്രതിമാസ സെമിനാറിൽ “അട്ടിമറിക്കപ്പെടുന്ന ജനാധിപത്യ മൂല്യങ്ങളും മാധ്യമങ്ങളും ” എന്ന വിഷയത്തിൽ മുഖ്യപ്രഭാഷണം നിർവ്വഹിക്കുകയായിരുന്നു അദ്ദേഹം.
കോർപ്പറേറ്റ് മൂലധന താൽപ്പര്യങ്ങൾ സംരക്ഷിക്കാൻ എളുപ്പമാകുന്ന വിധത്തിൽ വാർത്താമാധ്യമങ്ങൾക്ക് കൂച്ചുവിലങ്ങിട്ടുകൊണ്ടാണ് ഭരണകൂടം ഇത് സാധ്യമാക്കുന്നത്. സ്വതന്ത്രമായി നിലകൊളളുന്ന ഭരണഘടനയുടെ നാലാംതൂൺ (the fourth estate) എന്ന് വിശേഷിപ്പിക്കുന്ന മാധ്യമങ്ങളിൽ വഴങ്ങാത്തവരെ ഭീഷണിപ്പെടുത്തിയും തകർത്തെറിഞ്ഞും എതിർശബ്ദങ്ങളെ ഇല്ലായ്മചെയ്യുന്നു. തെരഞ്ഞെടുക്കാനുളള അവസരമേ ഇല്ലാതാക്കി ഏക ശിലാ സംവിധാനത്തിലേക്ക് രാജ്യത്തെ കൊണ്ടുപോകാനുളള അത്യന്തം ഭീഷണമായ അവസ്ഥയെ പ്രതിരോധിക്കുകയെന്നതാണ് ജനാധിപത്യ മതേതര ശക്തികൾക്ക് നിറവേറ്റാനുളള ഏറ്റവും വലിയ ദൗത്യമെന്നും അദ്ദേഹം വിശദമാക്കി. അനിത ചന്ദ്രോത്ത് ചർച്ച ഉദ്ഘാടനം ചെയ്തു. മോഹൻദാസ് അധ്യക്ഷത വഹിച്ചു. തുടർന്നുള്ള ചർച്ചയിൽ സി. ചന്ദ്രശേഖരൻ നായർ, കെ. ദാമോദരൻ, സി. കുഞ്ഞപ്പൻ, ആർ. വി. പിള്ള, പൊന്നമ്മ ദാസ്, ഇ. ആർ. പ്രഹ്ളാദൻ എന്നിവർ സംസാരിച്ചു പ്രദിപ്. പി. പി നന്ദി പറഞ്ഞു.
TAGS : THIPPASANDRA FRIENDS ASSOCIATION
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.