ബെംഗളുരു: കുട്ടി താരങ്ങളുടെ ആഘോഷവേദിയായി ലുലു ഫൺടുറ ലിറ്റിൽ സ്റ്റാർ 2024. 8 മുതൽ 15 വയസുവരെയുളള കുട്ടികൾക്കായാണ് അവസരം ഒരുക്കിയിരുന്നത്. സംഗീതം, നൃത്തം, വാദ്യോപകരണ സംഗീതം എന്നിവയിലായിരുന്നു കുട്ടികൾ മാറ്റുരച്ചത്. ബെംഗളൂരു ലുലു മാളിലെ ഫൺടൂറയിൽ നടന്ന ടാലന്റ് ഹണ്ടിൽ വൈറ്റ് ഫീൽഡ് സ്വദേശി സ്വദേശി സനിധ്യ ദാസ് വിജയകിരീടമണിഞ്ഞു. ആർ ആർ നഗർ സ്വദേശി സമർഥ് റായി ഫസ്റ്റ് റണ്ണറപ്പായും, ഇഷായു ഭോമിക് സെക്കൻഡ് റണ്ണറപ്പായും തിരഞ്ഞെടുക്കപ്പെട്ടു. വിജയിക്ക് ക്യാഷ് പ്രൈസ് ഉൾപ്പടെ ഒരു ലക്ഷം രൂപയുടെ സമ്മാനങ്ങളും, ഒന്നും രണ്ടും റണ്ണറപ്പുകൾക്ക് യഥാക്രമം ക്യാഷ് പ്രൈസ് ഉൾപ്പടെ അൻപതിനായിരം രൂപയുടെയും, ഇരുപത്തിയയ്യായിരം രൂപയുടെയും സമ്മാനങ്ങൾ ലഭിക്കും.
ഫൺടൂറ ലിറ്റിൽ സ്റ്റാർ ടാലന്റ് ഹണ്ടിലേക്ക് ഓൺലൈൻ വഴി നിരവധി പേരാണ് രജിസ്ടർ ചെയ്തത്. ആയിരത്തിലധികം പേർ രജിസ്ടർ ചെയ്തതിൽ നിന്ന് 10 പേരാണ് ഫൈനലിലേക്ക് തെരഞ്ഞെടുക്കപ്പെട്ടത്. പ്രശസ്ത നർത്തകരും സംഗീതസംവിധായകരും അടക്കം പ്രമുഖരാണ് വിധികർത്താക്കളായി എത്തിയത്.
TAGS : BUSINESS | LULU BENGALURU
SUMMARY : Bengaluru Lulu Funtura Little Star 2024 as a celebration venue for child stars