ബെംഗളൂരു: ലഹരിയെന്ന സാമൂഹിക തിന്മയെ പാടെ ഇല്ലാതാക്കാനുള്ള ബോധവൽക്കരണം വിദ്യാർഥികളിൽ നിന്ന് തന്നെ ആരംഭിക്കണമെന്നും മദ്യം പോലെ മാരക വിപത്താണ് സൈബർ കുറ്റകൃത്യമെന്നും അസിസ്റ്റൻ്റ് പോലീസ് കമ്മീഷണർ കെ. എം. രമേശ് പറഞ്ഞു. അന്താരാഷ്ട ലഹരി വിരുദ്ധ ദിനത്തോടനുബന്ധിച്ച് ചാമരാജ്പേട്ട പോലീസിൻ്റെ സഹകരണത്തോടെ മലബാർ മുസ്ലിം അസോസിയേഷൻ ക്രസൻ് സ്കൂൾ സംഘടിപ്പിച്ച ബോധവൽക്കരണ ക്യാമ്പയിൻ ഉദ്ഘാടനം ചെയ്യുകയായിരുന്നു അദ്ദേഹം. ലഹരി ഉപയോഗം മൂലം ക്രമം തെറ്റുന്ന കുടുംബ പശ്ചാത്തലവും നഷ്ടപ്പെട്ടു പോവുന്ന ജീവനുകളെ ക്കുറിച്ചുള്ള അവബോധവുമാണ് മക്കൾക്ക് നൽകേണ്ടത്. വിദ്യാലയങ്ങൾ ലഹരിയുടെ കേന്ദ്രമാവുന്നത് നന്മയുടെ എല്ലാ മൂല്യങ്ങളും തകരുമ്പോഴാണ്. ഇത് സാമൂഹിക വിപത്തിൽ ഏറ്റവും വലുതാണെന്നും രക്ഷിതാക്കളും അധ്യാപകരുമടങ്ങുന്ന സമൂഹം ജാഗ്രതകാണിക്കണമെന്നും അദ്ദേഹം പറഞ്ഞു. ലഹരി ഉപയോഗം കൊണ്ടും തെറ്റായ രീതിയിലുള്ളമൊബൈൽ ഉപയോഗം കൊണ്ടും ഉണ്ടാകുന്ന നാശങ്ങൾ അനാവരണം ചെയ്യുന്ന വീഡിയോ പ്രദർശനവും നടന്നു.
ഇൻസ്പെക്ടർ മഞ്ജണ്ണ അധ്യക്ഷത വഹിച്ചു. പ്രിൻസിപ്പൾ മുജാഹിദ് മുസ്തഫ ഖാൻ സ്വാഗതവും മാനേജർ പി.എം. മുഹമ്മദ് മൗലവി നന്ദിയും പറഞ്ഞു. യൂനുസ് ഫൈസി,അഫ്സർ. യൂസുഫ് അലി, ശ്വേത, രാജവേലു, ശിവകുമാർ തുടങ്ങിയവർ പ്രസംഗിച്ചു.
TAGS : MALABAR MUSLIM ASSOCIATION
SUMMARY: Anti-drug awareness
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.