ബെൽത്തങ്ങാടിയില്‍ റിട്ട. അധ്യാപകന്‍റെ കൊലപാതകം; കാസറഗോഡ് സ്വദേശികളായ രണ്ടുപേർ അറസ്റ്റിൽ
മംഗളൂരു: ബെല്‍ത്തങ്ങാടി ബെലാലുവില്‍ റിട്ട. അധ്യാപകന്‍ ബാലകൃഷ്ണ ബാഡേകില്ലയയെ (83) കൊലപ്പെടുത്തിയ കേസില്‍ കാസറഗോഡ് സ്വദേശികളായ രണ്ടുപേര്‍ അറസ്റ്റില്‍. കൊല്ലപ്പെട്ടയാളുടെ മരുമകനെയും പേരക്കുട്ടിയെയുമാണ് പോലീസ് അറസ്റ്റ് ചെയ്തത്. ബാലകൃഷ്ണയുടെ പേരക്കുട്ടിയും പൂജാരിയുമായ കാസറഗോഡ് ആദൂര്‍ പോലീസ് സ്റ്റേഷന്‍ പരിധിയിലെ മുരളികൃഷ്ണ (21), ഇയാളുടെ പിതാവ് കര്‍ഷകനും ജ്യോത്സനുമായ രാഘവേന്ദ്ര വി കെഡിലായ (58) എന്നിവരെയാണ് അറസ്റ്റ് ചെയ്തത്.
ഇക്കഴിഞ്ഞ 20നാണ് ബാലകൃഷ്ണയെ വീട്ടുവളപ്പില്‍ വെട്ടുകത്തി ഉപയോഗിച്ച് കൊലപ്പെടുത്തിയത്. ബാലകൃഷ്ണയുടെ ഭാര്യയും റിട്ട. അധ്യാപികയുമായ പരേതയായ യു ലീല (75) യുടെ സ്വര്‍ണാഭരണങ്ങള്‍ മകള്‍ വിജയലക്ഷ്മിയ്ക്ക് നല്‍കിയിരുന്നില്ല. സ്വത്തുവീതി പങ്കിടാത്തതിനാലും പ്രശ്‌നങ്ങള്‍ ഉണ്ടായിരുന്നു. ഇതേ തുടര്‍ന്നുള്ള തര്‍ക്കങ്ങളാണ് കൊലപാതകത്തിലേക്ക് നയിച്ചത്.
പ്രതികളായ അച്ഛനും മകനും കാസറഗോട്ടെ വീട്ടില്‍ നിന്ന് സ്‌കൂട്ടറിലാണ് വെട്ടുകത്തിയുമായി സ്ഥലത്തെത്തിയത്. സംഭവദിവസം ബാലകൃഷ്ണയുടെ ഇളയമകന്‍ സുരേഷ് ഭട്ട് ജോലിക്കായി പുത്തൂരിലേക്ക് പോയി. ഈ സമയത്താണ് ഇരുവരും ചേര്‍ന്ന് ബാലകൃഷ്ണയെ കൊലപ്പെടുത്തിയത്.
ധര്‍മസ്ഥല പോലീസ് കാസറഗോട്ടെ വീട്ടിലെത്തി പ്രതികളെ കസ്റ്റഡിയിലെടുത്തതിനു ശേഷമാണ് കൊലപാതകത്തിന് പിന്നിലുള്ള രഹസ്യങ്ങള്‍ വെളിപ്പെട്ടത്. ബാലകൃഷ്ണയുടെ ചെറുമകന്‍ സുരേഷ് ഭട്ടിനെയും കൊല്ലാന്‍ പദ്ധതിയിട്ടിരുന്നുവെന്ന് ഇരുവരും മൊഴി നല്‍കി. ബാലകൃഷ്ണയെ കൊലപ്പെടുത്തിയ ശേഷം സുരേഷ് ഭട്ട് വരുന്നത് വരെ വീട്ടില്‍ കാത്തിരുന്നു. വരാത്തതിനെ തുടര്‍ന്ന് 50,000 രൂപ വിലമതിക്കുന്ന രണ്ട് ബോണ്ട് പേപറുകളും ചില രേഖകളും കൊണ്ട് സ്‌കൂടറില്‍ വീട്ടിലേക്ക് മടങ്ങി.
അതേസമയം വിജയലക്ഷ്മിക്ക് അവരുടെ ഭര്‍ത്താവും മകനും ചേര്‍ന്ന് സ്വന്തം അച്ഛനെ കൊലപ്പെടുത്തിയ കാര്യം അറിയില്ലായിരുന്നു. ധര്‍മസ്ഥല പോലീസ് വീട്ടിലെത്തി പ്രതികളെ കസ്റ്റഡിയിലെടുത്തപ്പോഴാണ് അവര്‍ക്ക് കാര്യം അറിയുന്നത്. കൊലപാതകം നടന്നയുടന്‍ മംഗളൂരുവില്‍ നിന്നുള്ള ഡോഗ് സ്‌ക്വാഡ് സംഭവസ്ഥലത്തെത്തിയിരുന്നു. ഇതോടെ പോലീസിന് ആദ്യ സൂചനകള്‍ ലഭിച്ചു. എല്ലാ കുടുംബാംഗങ്ങളുടെയും മൊബൈല്‍ നമ്പറുകള്‍ ശേഖരിച്ചും പോലീസ് അന്വേഷണം നടത്തി. ഇതോടെയാണ് കുറ്റകൃത്യത്തിന് പിന്നില്‍ ഇരുവരുമാണെന്ന് പോലീസ് സ്ഥിരീകരിച്ചത്.
TAGS : CRIME | BELTANGADY
SUMMARY : Beltangady. Murder of retired teacher. Two arrested
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.