ബെംഗളൂരു: ദീപാവലിയോടാനുബന്ധിച്ച് സംസ്ഥാനത്ത് പരിസ്ഥിതി സൗഹാർദ പടക്കങ്ങൾ മാത്രം ഉപയോഗിക്കണമെന്ന് നിർദേശവുമായി വനം പരിസ്ഥിതി വകുപ്പ്. വായു, ശബ്ദ മലിനീകരണങ്ങൾ തടയുന്നതിനും മുതിർന്ന പൗരന്മാരുടെയും കുട്ടികളുടെയും ആരോഗ്യപ്രശ്‌നങ്ങൾ കണക്കിലെടുത്തുമാണ് തീരുമാനമെന്ന് വകുപ്പ് മന്ത്രി ഈശ്വർ ഖണ്ഡ്രെ പറഞ്ഞു.
കർണാടക മലിനീകരണ നിയന്ത്രണ ബോർഡ് അംഗീകരിച്ച പരിസ്ഥിതി സൗഹാർദ പടക്കങ്ങൾ (ഗ്രീൻ ക്രാക്കേർസ്) മാത്രമേ ദീപാവലി ആഘോഷത്തിനായി ഉപയോഗിക്കാൻ പാടുള്ളു. ഇവ ഒഴികെയുള്ള മറ്റ്‌ എല്ലാത്തരം പടക്കങ്ങളുടെയും നിർമ്മാണം, സംഭരണം, വിൽപ്പന എന്നിവ പൂർണമായും സർക്കാർ നിരോധിച്ചിട്ടുണ്ട്.
ഓരോ വർഷവും പടക്കം പൊട്ടിച്ച് കുട്ടികളുടെയും മുതിർന്ന പൗരൻമാരുടെയും കണ്ണിന് പരുക്കേൽക്കുന്ന നിരവധി കേസുകളാണ് റിപ്പോർട്ട്‌ ചെയ്യപ്പെടുന്നതെന്ന് മന്ത്രി ചൂണ്ടിക്കാട്ടി. പടക്കങ്ങൾ പൂർണമായും ഒഴിവാക്കുന്നതാണ് ഏറ്റവും സുരക്ഷിതമായ മാർഗമെന്നും അദ്ദേഹം പറഞ്ഞു. അല്ലെങ്കിൽ, പരിസ്ഥിതിക്ക് ഹാനികരമല്ലാത്ത പടക്കങ്ങൾ മാത്രം തിരഞ്ഞെടുക്കാൻ ജനങ്ങൾ തയ്യാറാകണം.
ദേശീയ ഹരിത ട്രൈബ്യൂണലിൻ്റെയും സുപ്രീം കോടതിയുടെയും ഉത്തരവുകൾ പ്രകാരം, 125 ഡെസിബെല്ലിനു മുകളിൽ ശബ്ദം പുറപ്പെടുവിക്കുന്ന പടക്കങ്ങൾ, ദോഷകരമായ രാസവസ്തുക്കൾ മൂലം അമിതമായ പുക പുറന്തള്ളുന്നവ എന്നിവ പൂർണമായും നിരോധിച്ചിട്ടുണ്ട്. കൂടാതെ, ദീപാവലി സമയത്ത് പടക്കങ്ങൾ രാത്രി 8 മുതൽ 10 വരെ മാത്രമേ ഉപയോഗിക്കാൻ കഴിയൂ.
TAGS: BENGALURU | DEEPAVALI
SUMMARY: Complete ban on non-green firecrackers for Deepavali in Karnataka
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.