ന്യൂഡൽഹി: ജോയിന്റ് എൻട്രൻസ് എക്സാം ജനുവരി 2025 സെഷൻ 1 നോട്ടിഫിക്കേഷൻ നാഷണൽ ടെസ്റ്റിംഗ് ഏജൻസി jeemain. nta. nic. in- ൽ പ്രസിദ്ധപ്പെടുത്തി. നവംബർ 22 വരെ രജിസ്ട്രേഷൻ നടത്താം. അന്ന് രാത്രി 11.50 വരെ ഓൺലൈനായി ഫീസടയ്ക്കാനും സൗകര്യമുണ്ട്. പരീക്ഷാഘടനയും സിലബസും https://jeemain.nta.nic.inൽ ലഭിക്കും. മലയാളം, ഉർദു, ഇംഗ്ലീഷ്, ഹിന്ദി അടക്കം 13 ഭാഷകളിലാണ് പരീക്ഷ.
രാജ്യത്തെ എൻ.ഐ.ടികൾ, ഐ.ഐ.ഐടികൾ, കേന്ദ്രഫണ്ടോടുകൂടി പ്രവർത്തിക്കുന്ന സാങ്കേതിക സ്ഥാപനങ്ങൾ/സർവകലാശാലകൾ എന്നിവ 2025-26 അധ്യയനവർഷം നടത്തുന്ന ബി.ഇ/ബി.ടെക്, ബി.ആർക്, ബി പ്ലാനിങ് റഗുലർ കോഴ്സുകളിൽ പ്രവേശനത്തിനായുള്ള ജെ.ഇ.ഇ മെയിൻ-2025 രണ്ട് സെഷനുകളായാണ് നടത്തുന്നത്. ആദ്യ സെഷൻ ജനുവരി 22-31 വരെയും രണ്ടാമത്തെ പരീക്ഷ ഏപ്രിലിലും നാഷനൽ ടെസ്റ്റിങ് ഏജൻസിയുടെ സംഘടിപ്പിക്കുന്നതാണ്. കേരളത്തിൽ 17 നഗരങ്ങളിൽ പരീക്ഷാകേന്ദ്രങ്ങളുണ്ട്. ഐ.ഐ.ടി പ്രവേശനത്തിനുള്ള ജെ.ഇ.ഇ അഡ്വാൻസ്ഡ് എഴുതാനുള്ള യോഗ്യതാ പരീക്ഷ കൂടിയാണ് ജെ.ഇ.ഇ മെയിൻ.
TAGS : JEE-MAIN 2025 | EXAMINATIONS
SUMMARY : JEE Main 2025: Apply till November 22