ഷൊർണൂർ: സാങ്കേതിക തകരാറിനെ തുടർന്ന് വഴിയില്‍ മൂന്ന് മണിക്കൂർ കുടുങ്ങിയ വന്ദേഭാരത് യാത്ര പുനരാരംഭിച്ചു. ട്രെയിനില്‍ യാത്രചെയ്യുന്ന കൊച്ചി വിമാനത്താവളത്തിലേക്കുള്ള യാത്രക്കാർക്ക് വേഗത്തില്‍ നെടുമ്പാശേരിയില്‍ എത്താൻ അങ്കമാലിയില്‍ പ്രത്യേക സ്റ്റോപ്പ് അനുവദിച്ചിട്ടുണ്ട്.
കാസറഗോഡ്-തിരുവനന്തപുരം വന്ദേഭാരത് എക്സ്പ്രസ് ആണ് സാങ്കേതിക തകരാറിനെ തുടർന്ന് ഷൊർണൂരില്‍ പിടിച്ചിട്ടത്. കഴിഞ്ഞ മൂന്ന് മണിക്കൂറായി ട്രെയിൻ ഷൊർണൂരില്‍ നിർത്തിയിട്ടിരിക്കുകയായിരുന്നു. ബാറ്ററി സംവിധാനത്തിന് വന്ന തകരാറാണ് ട്രെയിൻ പിടിച്ചിടാൻ കാരണമെന്നാണ് റെയില്‍വേയുടെ വിശദീകരണം. ട്രെയിൻ ഓഫായതോടെ ഡോർ പോലും തുറക്കാൻ കഴിയാത്ത സ്ഥിതിയാണ്. ഇതോടെ യാത്രക്കാർ പൂർണമായും ട്രെയിനിനുള്ളില്‍ കുടുങ്ങി.
Technical problem resolved; The captured Vandebharat Yatra resumed
