പൂരം അലങ്കോലമാക്കിയെന്ന വിവാദത്തിനുപിന്നാലെ സുരേഷ് ഗോപി പൂരപ്പറമ്പിൽ ആംബുലന്സില് എത്തിയതിനെച്ചൊല്ലി പരാതിയും. ചികിത്സാ ആവശ്യങ്ങള്ക്ക് ഉപയോഗിക്കേണ്ട ആംബുലന്സ് മറ്റാവശ്യത്തിന് ഉപയോഗിച്ചെന്ന് കാണിച്ച് അഭിഭാഷകനായ കെ. സന്തോഷ് കുമാറാണ് പരാതി നല്കിയത്.
മുഖ്യമന്ത്രിക്കും ഗതാഗതമന്ത്രിക്കും ട്രാന്സ്പോര്ട്ട് കമ്മിഷണര്ക്കും പരാതി നല്കി. തിരുവമ്പാടി വിഭാഗം പൂരം നിര്ത്തിവെച്ചതിനുപിന്നാലെ പ്രശ്നപരിഹാരത്തിന് സുരേഷ് ഗോപി സേവാഭാരതിയുടെ ആംബുലന്സിലാണ് വന്നിറങ്ങിയത്. മറ്റുവാഹനങ്ങള്ക്കു പ്രവേശനമില്ലാത്ത മേഖലയിലേക്കാണ് ആംബുലന്സില് സുരേഷ് ഗോപിയെ എത്തിച്ചത്.
ആരോഗ്യപ്രശ്നം കാരണമാണ് ആംബുലന്സ് ഉപയോഗിച്ചതെന്നാണ് ബി.ജെ.പി. നേതാക്കള് പറയുന്നത്. ഇതിന് പിന്നിലെ ഗൂഢാലോചന പുറത്തുകൊണ്ടുവരണമെന്ന് എല്.ഡി.എഫ്. സ്ഥാനാര്ഥി വി.എസ്. സുനില്കുമാര് തുടക്കത്തിലെ ആവശ്യപ്പെട്ടിരുന്നു.
TAGS : SURESH GOPI | THRISSUR POORAM
SUMMARY : Ambulance used for unnecessary purpose; Complaint against Sureshgopi amid Thrissurpuram controversy
