മതപരിവർത്തന നിരോധന ബിൽ ഓർഡിനൻസിലൂടെ പാസാക്കി കർണാടക
ബെംഗളൂരു: മതപരിവർത്തന നിരോധന ബിൽ പാസാക്കി കർണാടക സർക്കാർ. പ്രത്യേക ഓർഡിനൻസിലൂടെയാണ് ഇന്നു ചേർന്ന മന്ത്രിസഭാ യോഗം ബിൽ പാസാക്കിയത്. കർണാടക ആഭ്യന്തര മന്ത്രി അരഗ ജ്ഞാനേന്ത്രയെ ഉദ്ധരിച്ച് വാർത്താ ഏജൻസിയായ എ.എൻ.ഐ ആണ് വാർത്ത പുറത്തുവിട്ടത്. അടുത്ത നിയമസഭാ സമ്മേളനത്തിൽ അവതരിപ്പിക്കാനിരിക്കുന്ന ബില്ലാണ് ഇന്നു ഓർഡിനൻസിലൂടെ പാസ്സാക്കിയത്.
കർണാടക പ്രൊട്ടക്ഷൻ ഓഫ് റൈറ്റ് ടു ഫ്രീഡം ഓഫ് റിലീജ്യൻ എന്ന പേരിലുള്ള ബിൽ 2021 ഡിസംബറിൽ നിയമസഭയിൽ പാസാക്കിയിരുന്നു. എന്നാൽ, സഭാ സമ്മേളനം നീട്ടിവച്ച സാഹചര്യത്തിൽ ഓർഡിനൻസിലൂടെ ബിൽ പാസാക്കുകയായിരുന്നു ബസവരാജ് ബൊമ്മൈയുടെ നേതൃത്വത്തിലുള്ള ബി.ജെ.പി സർക്കാർ.
ബിൽ നിയമനിര്മ്മാണ കൗണ്സിലില് കൂടി പാസ്സാവണം. എന്നാൽ ഒരംഗത്തിന്റെ കുറവ് ഇപ്പോൾ ബിജെപിക്കുണ്ട്. ഈ സാഹചര്യത്തിലാണ് ഓര്ഡിനന്സിന് മന്ത്രിസഭ അംഗീകാരം നല്കിയത്. ഇനി ആറ് മാസത്തിനകം നിയമനിര്മ്മാണ കൗണ്സിലില് ബില്ലിന് അംഗീകാരം നല്കിയാല് മതി. ഏഴ് അംഗങ്ങളുടെ കാലാവധി ജൂണില് തീരുകയാണ്. പുതിയ അംഗങ്ങള് സ്ഥാനമേല്ക്കുന്നതോടെ നിയമ നിര്മ്മാണ കൗണ്സിലില് ബിജെപിക്ക് ഭൂരിപക്ഷമാകും. ഇതോടെ ബില്ല് നിയമനിര്മ്മാണ കൗണ്സിലില് പാസാകും എന്നാണ് സർക്കാരിന്റെ കണക്ക് കൂട്ടൽ.
പുതിയ നിയമം നിലവിൽ വരുന്നതോടെ നിർബന്ധിത പരിവർത്തനവുമായി ബന്ധപ്പെട്ട കേസുകളിൽ അഞ്ചു വർഷം തടവുശിക്ഷയും 25,000 രൂപ പിഴയും ലഭിക്കും. ചെറിയ കുട്ടികളെയും സ്ത്രീകളെയും എസ്.സി/എസ്.ടി വിഭാഗക്കാരെയും മതംമാറ്റിയാൽ മൂന്നുമുതൽ 10 വർഷം വരെ തടവുശിക്ഷ ലഭിക്കും. 50,000 രൂപ പിഴയും ഈടാക്കാം. കൂട്ട മതപരിവർത്തനത്തിന് പത്തു വർഷം തടവും ഒരു ലക്ഷം വരെ പിഴയുമാണ് പുതിയ നിയമ പ്രകാരമുള്ള ശിക്ഷ.
Cabinet has approved the anti-conversion bill, it will be tabled in the next session, till then ordinance will be in place: Karnataka Home Minister Araga Jnanendra
(File Pic) pic.twitter.com/h94G1EOwBt
— ANI (@ANI) May 12, 2022
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.