Follow the News Bengaluru channel on WhatsApp

ചിന്നസ്വാമിയിൽ തീപാറും; ആർസിബിയും ഹൈദരാബാദും ഇന്ന് നേർക്കുനേർ

ആറ് കളിയില്‍ നിന്ന് ഒരു ജയം മാത്രമായി പോയിന്റ് പട്ടികയില്‍ പത്താമത് നില്‍ക്കുന്ന ആര്‍സിബി ഇന്ന് ഹൈദരാബാദിന് എതിരെ കളിക്കും. ഇന്ന് 7.30ന് ബെംഗളൂരുവിന്റെ തട്ടകത്തിലാണ് മത്സരം . മികവിലേക്ക് ഉയരാത്ത ബോളര്‍മാരാണ് പ്രധാനമായും ബെംഗളൂരുവിന്റെ തലവേദന.

199 റണ്‍സ് വിജയ ലക്ഷ്യം മുന്‍പില്‍ വെച്ചിട്ടും മുംബൈ 16 ഓവറില്‍ ജയം പിടിച്ചതില്‍ നിന്ന് ബെംഗളൂരു ബോളര്‍മാരുടെ പോരായ്മ വ്യക്തം. സീസണില്‍ ഇതുവരെയുള്ളതില്‍ ഏറ്റവും മോശം ഇക്കണോമി റേറ്റ് ആര്‍സിബിയുടേതാണ്. അതില്‍ ഏറ്റവും മോശം സിറാജിന്റേതും. സ്പിന്‍ ബോളിങ്ങിലും ആര്‍സിബി നിരാശപ്പെടുത്തുമ്പോള്‍ ക്ലാസന്‍ ഉള്‍പ്പെടെയുള്ള ഹൈദരാബാദ് ബാറ്റേഴ്സിനെ പിടിച്ചുകെട്ടാന്‍ പ്രയാസപ്പെടും. ബോളിങ്ങില്‍ അധികം ആയുധങ്ങള്‍ തങ്ങള്‍ക്കില്ലെന്ന് ക്യാപ്റ്റന്‍ ഡുപ്ലെസിസും തുറന്നു സമ്മതിച്ചു കഴിഞ്ഞു.

ഡുപ്ലെസിസും രജത്തും കഴിഞ്ഞ മത്സരത്തിൽ ഫോമിലേക്ക് എത്തുന്നതിന്റെ സൂചന നല്‍കിയതാണ് ആര്‍സിബിക്ക് ആകെയുള്ള ആശ്വാസം. മറുവശത്ത് ട്രാവിസ് ഹെഡ്, അഭിഷേക് ശര്‍മ, മര്‍ക്രം ക്ലാസന്‍ എന്നിവര്‍ വരുന്ന ബാറ്റിങ് നിരയാണ് ഹൈദരാബാദിന്റെ കരുത്ത് കൂട്ടുന്നത്. ചിന്നസ്വാമി സ്റ്റേഡിയത്തിലെ ബൗണ്ടറികളുടെ ദൂരം കുറവായ സാഹചര്യം ഹൈദരാബാദിന്റെ ബിഗ് ഹിറ്റേഴ്സ് മുതലെടുത്തേക്കും. 19 കളിക്കാരെയാണ് ആർസിബി ഈ സീസണില്‍ ഇതുവരെ കളിപ്പിച്ചത്.

20 കളിക്കാരെ പരീക്ഷിച്ച ഡല്‍ഹിയാണ് ഇക്കാര്യത്തിൽ ആര്‍സിബിക്ക് മുമ്പിൽ നില്‍ക്കുന്നത്. മാക്സ്​വെല്ലിന് കഴിഞ്ഞ ദിവസം വിരലിന് പരുക്കേറ്റിരുന്നു. എന്നാല്‍ പരുക്ക് സാരമുള്ളതല്ലെന്നും താരം കളിക്കുമെന്നുമാണ് സൂചന. മാക്സ്​വെല്ലിന് കളിക്കാനാവാതെ വന്നാല്‍ കാമറൂണ്‍ ഗ്രീന്‍ പ്ലേയിങ് ഇലവനിലേക്ക് വരും.


ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩

വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444

മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇

DOWNLOAD GOOGLE TEXT-TO-SPEECH



ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.

ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം



Leave A Reply

Your email address will not be published.