വാഹനത്തിന് സൈഡ് നൽകിയില്ല; ബിഎംടിസി ജീവനക്കാരെ ആക്രമിച്ച് ബൈക്ക് യാത്രക്കാർ
ബെംഗളൂരു: വാഹനത്തിന് സൈഡ് നൽകിയില്ലെന്ന് ആരോപിച്ച് ബിഎംടിസി കണ്ടക്ടറെയും ഡ്രൈവറെയും ബൈക്ക് യാത്രക്കാർ മർദിച്ചു. ശനിയാഴ്ച വൈകീട്ട് 5.25 ഓടെ ടാനറി റോഡിന് സമീപമുള്ള കാനറ ബാങ്ക് ബസ് സ്റ്റോപ്പിലാണ് സംഭവം. യെലഹങ്കയിൽ നിന്ന് ശിവാജിനഗർ ബസ് സ്റ്റേഷനിലേക്ക് സർവീസ് നടത്തുന്ന (ഡിപ്പോ 30 -നോർത്ത് സോൺ) ബസിലെ ജീവനക്കാർക്ക് നേരെയാണ് മർദനമുണ്ടായത്.
കാനറ ബാങ്ക് ബസ് സ്റ്റോപ്പിൽ യാത്രക്കാരെ ഇറക്കാൻ ബസ് നിർത്തുന്നതിനിടെ ഇരുചക്രവാഹനത്തിലെത്തിയ രണ്ടുപേർ മുൻവശത്തെ വാതിലിലൂടെ ബസിനുള്ളിൽ പ്രവേശിച്ചു. തുടർന്ന് ബൈക്കിനു സൈഡ് നൽകിയില്ലെന്ന് പറഞ്ഞ് ഡ്രൈവറെ അധിക്ഷേപിക്കുകയും മർദിക്കുകയും ചെയ്തു. ഇത് ചോദ്യം ചെയ്ത കണ്ടക്ടറെയും ഇവർ മർദിക്കുകയായിരുന്നു. ഇതേതുടന്ന് ഡ്രൈവറും കണ്ടക്ടറും ബൗറിംഗ് ഹോസ്പിറ്റലിൽ ചികിത്സ തേടുകയും കെ.ജി. ഹള്ളി പോലീസിൽ പരാതി നൽകുകയും ചെയ്തു.
ഒരാഴ്ചയ്ക്കിടെ ബിഎംടിസി ബസ് ജീവനക്കാർക്ക് നേരെ നടക്കുന്ന രണ്ടാമത്തെ ആക്രമണമാണിത്. അടുത്തിടെ പാസ്സുമായി ബന്ധപ്പെട്ട തർക്കത്തിനിടെ ബിഎംടിസി ബസ് കണ്ടക്ടറെ യാത്രക്കാരൻ കല്ല് കൊണ്ട് ആക്രമിച്ചിരുന്നു.
TAGS: BENGALURU | BMTC
SUMMARY: Bikers attacked bmtc employees in city
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.