അണ്ലോക്ക് 5: ഒക്ടോബര് 15 മുതല് സിനിമാ തിയറ്ററുകള് തുറക്കാം, സ്കൂളുകളും കോളേജുകളും ഘട്ടം ഘട്ടമായി തുറക്കും, മാര്ഗ്ഗ നിര്ദേശങ്ങള് കേന്ദ്ര സര്ക്കാര് പുറത്തുവിട്ടു
ന്യൂഡല്ഹി: കോവിഡ് നിയന്ത്രണങ്ങള്ക്കുള്ള ഇളവുകളുടെ ഭാഗമായി അണ്ലോക്ക് 5 മാര്ഗ്ഗ നിര്ദേശങ്ങള് കേന്ദ്ര സര്ക്കാര് പുറത്തുവിട്ടു. സിറ്റിംഗ് കപ്പാസിറ്റിയുടെ 50 ശതമാനം ഉപയോഗിച്ച് സിനിമ തിയ്യറ്ററുകള് തുറക്കാം. പാര്ക്കുകള് തുറക്കാനും അനുമതിയുണ്ട്. ഒക്ടോബര് 15 മുതല് തിയേറ്ററുകള് തുറക്കാമെന്നാണ് കേന്ദ്രസര്ക്കാര് വ്യക്തമാക്കിയിരിക്കുന്നത്. ഇതിനായി പാലിക്കേണ്ട നടപടി ക്രമങ്ങള് കേന്ദ്രസര്ക്കാര് പിന്നീട് വ്യക്തമാക്കും. സ്വിമ്മിങ് പൂളുകളും തുറക്കാന് അനുമതി നല്കുന്നുണ്ട്.
സ്കൂളുകളും കോളേജുകളും തുറക്കുന്ന കാര്യത്തിലും തീരുമാനം ഉണ്ടാകും. ഇത് ഘട്ടംഘട്ടമായി നടപ്പിലാക്കാനാണ് കേന്ദ്രസര്ക്കാരിന്റെ തീരുമാനം.സ്കൂളുകളുമായി ചര്ച്ച നടത്തി തീരുമാനിക്കണമെന്നാണ് നിര്ദ്ദേശിച്ചിരിക്കുന്നത്. ഓണ്ലൈന് തുടരാന് ആഗ്രഹിക്കുന്നവര്ക്ക് അതിന് അനുമതി നല്കണം. സ്കൂളുകളില് ക്ലാസില് ഹാജരാവാന് ആഗ്രഹിക്കാത്ത കുട്ടികളുണ്ടെങ്കില് അവര്ക്ക് ഓണ്ലൈന് ക്ലാസിന് അവസരം ഒരുക്കണം. മാതാപിതാക്കളുടെ രേഖമൂലമുള്ള സമ്മത പത്രത്തോടെ മാത്രമേ കുട്ടികളെ നേരിട്ട് ക്ലാസില് പങ്കെടുപ്പിക്കാവൂ. ഹാജര് നിര്ബന്ധിക്കരുത്. ഇതിന് മാതാപിതാക്കളുടെ സമ്മതം വാങ്ങണം. വിദ്യാഭ്യാസ വകുപ്പ് നിര്ദ്ദേശിക്കുന്ന നിയന്ത്രണങ്ങള് കര്ശനമായി പാലിച്ച് വേണം ക്ലാസുകള് പ്രവര്ത്തിക്കാനെന്നും കേന്ദ്രസര്ക്കാരിന്റെ ഉത്തരവില് വ്യക്തമാക്കിയിട്ടുണ്ട്.
കൂട്ടായ്മകള്ക്ക് പരമാവധി നൂറു പേര് എന്ന നിയന്ത്രണത്തില് ഇളവ് നല്കിയിട്ടുണ്ട്. അടച്ചിട്ട ഹാളുകളില് 200 വരെ അനുവദിച്ചു. തുറന്ന ഗ്രൗണ്ടുകളില് കൂടുതല് പേരെ അനുവദിക്കും. കേന്ദ്ര ആഭ്യന്തര മന്ത്രാലയമാണ് ഇക്കാര്യം അറിയിച്ചിരിക്കുന്നത്.
GoI issues new guidelines for 'Re-opening'; cinema halls/multiplexes, swimming pools used for training of sportspersons & entertainment parks to re-open from 15th Oct
For re-opening of schools, States given flexibility to take a decision after Oct 15, parental consent required pic.twitter.com/KCoQ9E6HJr— ANI (@ANI) September 30, 2020
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.