തൃശൂർ പൂരവുമായി ബന്ധപ്പെട്ട് പോലീസിൻ്റെ നടപടികളിൽ ഉയർന്നുവന്ന പരാതികൾ ഒരാഴ്ചയ്ക്കകം അന്വേഷിച്ച് റിപ്പോർട്ട് നൽകാൻ പോലീസ് മേധാവിക്ക് മുഖ്യമന്ത്രി പിണറായി വിജയൻ നിർദ്ദേശം നൽകി. സംഭവവുമായി ബന്ധപ്പെട്ട് തൃശൂർ പോലീസ് കമീഷണർ അങ്കിത്ത് അശോക്, അസിസ്റ്റൻറ് കമ്മീഷണർ സുദർശൻ എന്നിവരെ തെരഞ്ഞെടുപ്പ് കമ്മീഷന്റെ അനുവാദത്തോടുകൂടി അടിയന്തരമായി സ്ഥലം മാറ്റാൻ മുഖ്യമന്ത്രി നിർദ്ദേശിച്ചു തൃശൂര് പൂരത്തില് പോലീസിന്റെ അമിത ഇടപെടലുണ്ടായി എന്ന പരാതിക്ക് പിറകെയാണ് ഇരുവരേയും സ്ഥലം മാറ്റാന് തീരുമാനിച്ചത്.
തിരുവമ്പാടി ഭഗവതിയുടെ എഴുന്നള്ളിപ്പു തടഞ്ഞും പൂര പ്രേമികളെ ലാത്തിവീശി ഓടിച്ചും പൂരനഗരി ബാരിക്കേഡ് വച്ച് കെട്ടിയടച്ചും പോലീസ് പരിധിവിട്ടതാണു വിവാദമായത്. രാത്രിപ്പൂരം കാണാനെത്തിയവരെ സ്വരാജ് റൗണ്ടില് കടക്കാന് അനുവദിക്കാതെ വഴികളെല്ലാം കെട്ടിയടച്ചിരുന്നു.പൂരത്തിന് ആനകള്ക്കു നല്കാന് കൊണ്ടു വന്ന പട്ടയും കുടമാറ്റത്തിനുള്ള കുടയും തൃശൂര് സിറ്റി പോലീസ് കമ്മിഷണര് അങ്കിത് അശോകന് തടയുന്ന ദൃശ്യങ്ങളും പുറത്തുവന്നിരുന്നു
പുലര്ച്ചെ 3നു നടക്കേണ്ട വെടിക്കെട്ട്, മാരത്തണ് ചര്ച്ചകള്ക്കൊടുവില് 4 മണിക്കൂര് വൈകി പകല്വെളിച്ചത്തിലാണു നടത്തിയത്. മഠത്തില്വരവിനിടെ ഉത്സവപ്രേമികള്ക്കു നേരെ കയര്ക്കാനും പിടിച്ചു തള്ളാനും മുന്നില്നിന്നതു സിറ്റി പോലീസ് കമ്മീഷണര് അങ്കിത് അശോകന് നേരിട്ടാണുണ്ടായിരുന്നതെന്നും ആക്ഷേപമുയര്ന്നു.
The post തൃശൂര് പൂര വിവാദം; സിറ്റി പോലീസ് കമ്മീഷണര് അങ്കിത് അശോകനെ സ്ഥലം മാറ്റും appeared first on News Bengaluru.
WhatsApp
Telegram
