കേരളത്തിലെ ഉപതെരഞ്ഞെടുപ്പ്: എല്ഡിഎഫിന് മുന്തൂക്കം, 20 സീറ്റിൽ എൽ.ഡി.എഫിന് ജയം
തിരുവനന്തപുരം: സംസ്ഥാനത്തെ തദ്ദേശഭരണ സ്ഥാപനങ്ങളിലേക്ക് നടന്ന ഉപതിരഞ്ഞെടുപ്പില് എല്.ഡി.എഫിന് മുന്തൂക്കം. ഫലംപ്രഖ്യാപിച്ച സീറ്റുകളില് 20 ഇടത്ത് എല്ഡിഎഫ് വിജയിച്ചു. 12 സീറ്റുകളിലാണ് യുഡിഎഫിന്റെ വിജയം. എന്ഡിഎ ആറ് സീറ്റുകള് നേടി.
മുഖ്യമന്ത്രിയുടെ മണ്ഡലത്തിലെ മുഴപ്പിലങ്ങാട് പഞ്ചായത്തിൽ തെക്കേകുന്നുമ്പ്രം വാർഡിൽ നടന്ന ഉപതെരഞ്ഞെടുപ്പിൽ സി.പി.എം സ്ഥാനാർഥി ജയിച്ചു. 457 വോട്ടുകൾ നേടിയ എൽ.ഡി.എഫ് സ്ഥാനാർഥി രമണി 37 വോട്ടിന്റെ ഭൂരിപക്ഷത്തിൽ യു.ഡി.എഫ് സ്ഥാനാർഥി പി.പി. ബിന്ദുവിനെയാണ് പരാജയപ്പെടുത്തിയത്. ഉപതെരഞ്ഞെടുപ്പിൽ ജയിച്ചതോടെ മുഴപ്പിലങ്ങാട് പഞ്ചായത്തിൽ എൽ.ഡി.എഫിനാണ് കൂടുതൽ സീറ്റുകൾ. എൽഡിഎഫ് ആറ്, യുഡിഎഫ്- 5, എസ്ഡിപിഐ- 4 എന്നിങ്ങനെയാണ് പഞ്ചായത്തിലെ കക്ഷി നില.
തൃപ്പുണിത്തുറ നഗരസഭയില് എല്.ഡി.എഫിന്റെ രണ്ട് സിറ്റിങ് സീറ്റുകള് ബി.ജെ.പി. പിടിച്ചെടുത്തു. ഉപതിരഞ്ഞെടുപ്പ് നടന്ന ഇളമനത്തോപ്പില്, പിഷാരികോവില് വാര്ഡുകളിലാണ് ബിജെപിയുടെ ജയം. ഇതോടെ നഗരസഭയില് 15 സീറ്റുകളുണ്ടായിരുന്ന ബിജെപി സീറ്റുകളുടെ എണ്ണം 17 ആയി ഉയര്ത്തി. എല്ഡിഎഫിന്റെ സീറ്റുകള് 23-ല്നിന്ന് 21 ആയി.
കൊച്ചി കോര്പ്പറേഷനിലെ എറണാകുളം സൗത്ത് വാര്ഡ് ബിജെപി നിലനിര്ത്തി. 75 വോട്ടുകളുടെ ഭൂരിപക്ഷത്തിനാണ് ബിജെപി സ്ഥാനാര്ഥി പത്മജ എസ്.മേനോന് യുഡിഎഫ് സ്ഥാനാര്ഥി അനിത വാര്യരെ പരാജയപ്പെടുത്തിയത്.
തിരുവനന്തപുരം ജില്ലയിലെ പൂവാര്, കല്ലറ പഞ്ചായത്തുകളില് നടന്ന ഉപതിരഞ്ഞെടുപ്പില് യുഡിഎഫിനാണ് ജയം. അതിയന്നൂര്, നാവായിക്കുളം എന്നിവിടങ്ങളില് എല്ഡിഎഫ് സ്ഥാനാര്ഥികള് വിജയിച്ചു.
പത്തനംതിട്ട കോന്നിയിലെ ചിറ്റൂർ വാർഡിൽ യുഡിഎഫ് വിജയിച്ചു. റാന്നി അങ്ങാടി പഞ്ചായത്ത് ഈട്ടിച്ചുവട് അഞ്ചാം വാർഡ് ഇത്തവണ കോൺഗ്രസിൽ നിന്നും എൽഡിഎഫ് സ്വന്തമാക്കി.
കോന്നി പഞ്ചായത്തിലെ ചിറ്റൂര് വാര്ഡില് യുഡിഎഫിലെ അര്ച്ചന ബാലന് വിജയിച്ചു.
ഇടുക്കി ജില്ലയിൽ മൂന്ന് ഗ്രാമ പഞ്ചായത്ത് വാർഡുകളിൽ നടന്ന ഉപതെരഞ്ഞെടുപ്പുകളിൽ രണ്ടിടത്ത് ഇടതുപക്ഷവും, ഒരിടത്ത് ബി ജെ പി യും വിജയിച്ചു. കോൺഗ്രസിന് കനത്ത തിരിച്ചടിയാണ് നേരിടേണ്ടി വന്നത്. രണ്ടിടത്ത് രണ്ടാമതെത്തിയ കോൺഗ്രസ് ഒരിടത്ത് മൂന്നാം സ്ഥാനത്തും പോയി. ഉടുമ്പന്നൂര് പഞ്ചായത്തിലെ 12-ാം വാര്ഡായ വെള്ളാന്താനത്ത് നടന്ന ഉപതിരഞ്ഞെടുപ്പില് എല്.ഡി.എഫിനായി മത്സരിച്ച സി.പി.ഐയിലെ ജിന്സി സാജന് വിജയിച്ചു. ജിന്സി സാജന് 612 വോട്ടും യു.ഡി.ഫിനായി മത്സരിച്ച കോണ്ഗ്രസില് നിന്നുള്ള മിനി ബെന്നിക്ക് 381 വോട്ടും, എന്.ഡി.എക്കായി മത്സരിച്ച ബി.ജെ.പിയില് നിന്നുള്ള ഷൈനി മോള്.കെ.കെയ്ക്ക് 59 വോട്ടുമാണ് ലഭിച്ചത്. ആകെ 1052 വോട്ടാണ് പോള് ചെയ്തത്. വനിതാ സംവരണമായ വാര്ഡില് കോണ്ഗ്രസിലെ ബിന്ദു സജീവ് പഞ്ചായത്തംഗത്വം രാജി വച്ച് വിദേശത്തേക്ക് പോയതിനെ തുടര്ന്നാണ് ഇവിടെ ഉപതിരഞ്ഞെടുപ്പ് വേണ്ടി വന്നത്.
കൊല്ലം ജില്ലയിൽ ശൂരനാട് വടക്ക് പഞ്ചായത്തിലെ സംഗമം വാർഡ്, ആര്യങ്കാവ് കഴുത്തുരുത്തി, വെളിയത്തെ ക്ലാപ്പില, പെരിനാട് പഞ്ചായത്തിലെ നന്തിരിക്കൽ എന്നിവിടങ്ങളിൽ എൽഡിഎഫാണ് വിജയം. വെളിനെല്ലൂര് പഞ്ചായത്തിലെ മുളയറച്ചാലില് യുഡിഎഫിനാണ് ജയം.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.