കോച്ചിംഗ് സെന്ററുകളില് പോകാന് കഴിയാത്തവര്ക്ക് എൻജിനീയറിങ് – മെഡിക്കൽ പ്രവേശന പരീക്ഷാ പരിശീലനം; ഏപ്രില് 1 മുതല് കൈറ്റ് വിക്ടേഴ്സിൽ
തിരുവനന്തപുരം: താല്പര്യവും കഴിവും ഉണ്ടായിട്ടും പിന്തുണ ഇല്ലാത്തതുകൊണ്ട് പൊതുപ്രവേശന പരീക്ഷകളില് പിന്തള്ളപ്പെട്ടു പോകുന്ന കുട്ടികള്ക്ക് സര്ക്കാറിന്റെ പിന്തുണ. പൊതുപ്രവേശന പരീക്ഷാ പരിശീലന പ്രോഗ്രാം കൈറ്റ് വിക്ടേഴ്സില് 2024 ഏപ്രില് ഒന്നു മുതല് ആരംഭിക്കുമെന്നു മന്ത്രി വി ശിവന്കുട്ടി അറിയിച്ചു.
ഒരു വലിയ വിഭാഗം കുട്ടികള്ക്ക് കോച്ചിംഗ് സെന്ററുകളില് പോയി പരിശീലനം നേടാന് കഴിയില്ല. അത്തരക്കാരെ പരീക്ഷകള്ക്ക് സജ്ജരാക്കുന്നതിനുള്ള പിന്തുണ ഒരുക്കുകയാണ് കൈറ്റ് വിക്ടേഴ്സിലൂടെയെന്ന് മന്ത്രി പറഞ്ഞു. എല്ലാ വിദ്യാര്ഥികള്ക്കും തുല്യ അവസരമാണ് ലക്ഷ്യം. അതിനായാണ് പൊതുപ്രവേശന പരീക്ഷയില് അധിഷ്ഠിതമായ പരിപാടി വിക്ടേഴ്സില് ആരംഭിക്കുന്നത്.
പഠിച്ച ആശയങ്ങള് ഉറപ്പിക്കാന് ആഗ്രഹിക്കുന്ന കുട്ടികള്ക്കും തൊഴില് പരീക്ഷകള്ക്ക് തയാറെടുക്കുന്നവര്ക്കും ഈ സൗകര്യം ഉപയോഗിക്കാനാവും. ദേശീയ മത്സരപരീക്ഷകള്ക്ക് നല്കുന്ന ചോദ്യങ്ങള് കുട്ടി പഠിച്ച പാഠപുസ്തകത്തില് നിന്നുതന്നെയാണ് എന്ന് ഉറപ്പിക്കുകയും അതിലൂടെ അവരില് ആത്മവിശ്വാസം ഉണ്ടാകുകയും ചെയ്യുന്ന തരത്തിലാണ് പരിശീലന പരിപാടി ആസൂത്രണം ചെയ്തിരിക്കുന്നത്. ഒരു ചോദ്യത്തിന്റെ ഉത്തരത്തിന് നല്കുന്ന ഓഫ്ഷനുകളിലൂടെ മറ്റ് നാല് ആശയങ്ങള് കൂടി പഠിക്കുന്ന തരത്തിലാണു പരിപാടി ക്രമീകരിക്കുക.
പഴയ ചോദ്യപേപ്പറുകളുടെ ഉത്തരങ്ങള്ക്കൊപ്പം പാഠഭാഗങ്ങളുമായി ബന്ധപ്പെടുത്തിയാവും അവതരിപ്പിക്കുക.
ടെലികാസ്ററ് ചെയ്യുന്നതോടൊപ്പം കുട്ടികള്ക്ക് പരിശീലനത്തിനുള്ള പ്രത്യേക ഓണ്ലൈന് പ്ലാറ്റ്ഫോമും ഉണ്ടായിരിക്കും. ചോദ്യാവലികള്, അസൈന്മെന്റുകള്, മോക് ടെസ്റ്റ് എന്നിവ ചെയ്യുന്നതിന് ഈ ഓണ്ലൈന് പ്ലാറ്റ്ഫോം ഉപയോഗിക്കാം. വരുന്ന വര്ഷം ഓണ്ലൈന് മെന്റര്ഷിപ്പ് നല്കി കുട്ടികളെ പരീക്ഷയ്ക്ക് സജ്ജമാക്കാനുള്ള രീതി കൊണ്ടുവരാനാണ് ലക്ഷ്യമിടുന്നത്.
തുടക്കത്തില് കണക്ക്, രസതന്ത്രം, ഭൗതികശാസ്ത്രം, ജീവശാസ്ത്രം എന്നീ വിഷയങ്ങളെ അടിസ്ഥാനമാക്കിയാണ് ക്ലാസുകള് തയ്യാറാക്കുന്നത്. കേരളത്തിലെ ഈ വിഷയങ്ങളില് വിദഗ്ധരായ അധ്യാപകരാണ് ക്ലാസുകള് നയിക്കുന്നത്. ഓരോ വിഷയത്തിനും ഒരു മണിക്കൂര് വീതമുള്ള 30 മണിക്കൂര് ക്ലാസുകളാണ് ടെലികാസ്റ്റ് ചെയ്യുക. അതിനെ തുടര്ന്ന് മോക്ക് ടെസ്റ്റും ഉണ്ടാകും.
2024 ഏപ്രില് ഒന്നു മുതല് 30 വരെയാണ് വിഷയാധിഷ്ഠിതമായ ക്ലാസുകള് ടെലികാസ്റ്റ് ചെയ്യുന്നത്. രാജ്യത്തെ മിക്ക യൂണിവേഴ്സിറ്റികളും പൊതുപ്രവേശന പരീക്ഷയുടെ അടിസ്ഥാനത്തില് ആയിരിക്കും ഇനി പ്രവേശനം നല്കുക. അപ്പോള് സംസ്ഥാനത്തെ കുട്ടികള് പിന്തള്ളപ്പെടാന് പാടില്ല എന്ന ലക്ഷ്യവും ഈ പ്രോഗ്രാമിന് പിന്നിലുണ്ട്. വരും വര്ഷങ്ങളില് സോഷ്യല് സയന്സ്, കോമേഴ്സ് വിഷയങ്ങളുടെ പ്രവേശന പരീക്ഷകള്ക്കും ഇത്തരം പിന്തുണ സംവിധാനം ഒരുക്കാനും പദ്ധതിയിടുന്നുണ്ട്.
ടെലികാസ്റ്റ് ചെയ്യുന്ന ക്ലാസുകള് ലഭിക്കാന് ബുദ്ധിമുട്ടുള്ള കുട്ടികള്ക്ക് കോവിഡ് കാലത്തു ചെയ്തപോലെ ഡിജിറ്റല് ഉപകരണങ്ങളിലൂടെ പരീക്ഷാ പരിശീലന പരിപാടി എത്തിക്കാനുള്ള ശ്രമം പ്രാദേശികമായി നടത്തണം. ഇതിനായി സന്നദ്ധ സംഘടനകള്, വായനശാലകള്, കൈറ്റ് മാസ്റ്റര്മാര് എന്നിവര് മുന്നിട്ടിറങ്ങണം. വരും അക്കാദമിക വര്ഷം സ്കൂളുകളില് തന്നെ ഈ പിന്തുണ സംവിധാനം ഉണ്ടാക്കാന് കഴിയുമെന്നും മന്ത്രി വി ശിവൻകുട്ടി ചൂണ്ടിക്കാട്ടി.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.