ഐപിഎൽ 2024; ഹൈദരാബാദിനു മുമ്പിൽ പൊരുതിവീണു ആർസിബി
സണ്റൈസേഴ്സ് ഹൈദരാബാദ് ഉയര്ത്തിയ റണ്മലയ്ക്കു മുമ്പിൽ 30 റണ്സകലെ ബാറ്റുവെച്ച് കീഴടങ്ങി റോയല് ചലഞ്ചേഴ്സ് ബെംഗളൂരു. 288 റണ്സെന്ന റെക്കോഡ് വിജയലക്ഷ്യം പിന്തുടര്ന്ന ആര്സിബിക്ക് ഏഴു വിക്കറ്റ് നഷ്ടത്തില് 262 റണ്സെടുക്കാനേ സാധിച്ചുള്ളൂ. ഇരു ടീമും ചേര്ന്നെടുത്ത 549 റണ്സ് ഒരു ടി20 മത്സരത്തില് പിറക്കുന്ന ഏറ്റവും ഉയര്ന്ന റണ്സാണ്.
ഒരു ഘട്ടത്തില് വിജയപ്രതീക്ഷ കൈവിട്ട ആര്സിബിക്കായി ദിനേഷ് കാര്ത്തിക്ക് ബാറ്റിങ് വിരുന്നൊരുക്കി. 35 പന്തുകള് നേരിട്ട കാര്ത്തിക്ക് 83 റണ്സുമായി 19-ാം ഓവറിലാണ് പുറത്തായത്. നാല് ഫോറും ഏഴ് സിക്സും താരം പറത്തി. കാര്ത്തിക്കിനെ കൂടാതെ വിരാട് കോലിയും ക്യാപ്റ്റന് ഫാഫ് ഡുപ്ലെസിയും മാത്രമാണ് കൂറ്റന് ലക്ഷ്യത്തിലേക്ക് ഒന്ന് പൊരുതി നോക്കുകയെങ്കിലും ചെയ്തത്.
സ്ട്രൈക്ക് റേറ്റിന്റെ പേരില് വിമര്ശനം കേട്ടിരുന്ന കോഹ്ലി ഇത്തവണ വെറും 20 പന്തില് നിന്ന് 42 റണ്സെടുത്താണ് പുറത്തായത്. രണ്ട് സിക്സും ആറ് ഫോറുമടങ്ങുന്നതായിരുന്നു കോഹ്ലിയുടെ ഇന്നിങ്സ്.
പിന്നാലെ വില് ജാക്ക്സ് (7), രജത് പാട്ടിദാര് (9), സൗരവ് ചൗഹാന് (0) എന്നിവര് തുടരെ മടങ്ങിയതോടെ ആര്സിബി പതറി. ഡുപ്ലെസി മാത്രമാണ് ഈ സമയം പൊരുതിയത്. 28 പന്തില് നിന്ന് നാല് സിക്സും ഏഴ് ഫോറുമടക്കം 62 റണ്സെടുത്ത ഡുപ്ലെസിയെ 10-ാം ഓവറില് പുറത്താക്കി ക്യാപ്റ്റന് പാറ്റ് കമ്മിന്സ് ആ പോരാട്ടം അവസാനിപ്പിച്ചു.
ഏഴു മത്സരങ്ങളില് ആര്സിബിയുടെ ആറാം തോല്വിയാണിത്. ഒരു ജയം മാത്രമുള്ള അവര് പോയന്റ് പട്ടികയില് അവസാന സ്ഥാനത്താണ്. നാലാം ജയത്തോടെ ആറ് മത്സരങ്ങളില് നിന്ന് എട്ട് പോയന്റുമായി ഹൈദരാബാദ് നാലാം സ്ഥാനത്തേക്കുയര്ന്നു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.