ബെംഗളൂരു : എസ്എൻഡിപി യോഗം ബെംഗളൂരു യൂണിയന്റെ 24-ാം വാർഷികം തമ്മനഹള്ളി എസ്എൻഡിപി സ്കൂളിൽ നടന്നു. എസ്എൻഡിപി ദേവസ്വം സെക്രട്ടറി അരയക്കണ്ടി സന്തോഷ് ഉദ്ഘാടനംചെയ്തു. യൂണിയൻ പ്രസിഡന്റ് എൻ. ആനന്ദൻ അധ്യക്ഷതവഹിച്ചു. യൂണിയൻ സെക്രട്ടറി അഡ്വ. സത്യൻ പുത്തൂർ റിപ്പോർട്ടും വരവുചെലവ്‌ കണക്കും ബജറ്റും അവതരിപ്പിച്ചു. പുതിയ സ്‌കൂൾകെട്ടിടത്തിനും സ്‌പോർട്‌സ് സെന്ററിനുമായി 2.25 കോടി രൂപ ബജറ്റിൽ വകയിരുത്തി. ബോർഡ് അംഗങ്ങളായ എ.ആർ. രാജേന്ദ്രൻ, രമേശൻ, വൈസ് പ്രസിഡന്റ് എൻ. വത്സൻ എന്നിവർ സംസാരിച്ചു.
SUMMARY: SNDP Union Anniversary
