തിരുവനന്തപുരം: കേരളത്തിലെ സിപിഐഎമ്മിനെ എം വി ഗോവിന്ദന് തന്നെ നയിക്കും. സിപിഐഎം സംസ്ഥാന സമ്മേളനം കൂടുതല് യുവാക്കളെയും വനിതകളെയും ഉള്പ്പെടുത്തിയാണ് സിപിഐഎമ്മിന്റെ പുതിയ സംസ്ഥാന കമ്മിറ്റിയെ തിരഞ്ഞെടുത്തിരിക്കുന്നത്. 17 പുതുമുഖങ്ങളെ ഉള്പ്പെടുത്തിയുള്ള 89 അംഗ സംസ്ഥാന കമ്മിറ്റിയും പതിനേഴ് അംഗ സെക്രട്ടേറിയറ്റും നിലവില് വന്നു.
ആര് ബിന്ദു, വി കെ സനോജ്, വി വസീഫ് തുടങ്ങിയവര് കമ്മിറ്റിയില് ഉള്പ്പെട്ടു. എം വി ജയരാജനും സി എന് മോഹനനും കെ കെ ശൈലജയും സംസ്ഥാന സെക്രട്ടേറിയറ്റിലെത്തി. സംസ്ഥാന കമ്മിറ്റിയില് നിന്ന് എ കെ ബാലന്, പി കെ ശ്രീമതി, ആനാവൂര് നാഗപ്പന്, കെ വരദരാജന്, എം കെ കണ്ണന്, ബേബി ജോണ്, ഗോപി കോട്ടമുറിക്കല് എന്നിവരെ ഒഴിവാക്കി.
കണ്ണൂരിലേയും എറണാകുളത്തേയും ജില്ലാ സെക്രട്ടറിമാരേയും മാറ്റാന് സാധ്യതയുണ്ട്. കണ്ണൂരില് ടി വി രാജേഷും എറണാകുളത്ത് പി. ആര് മുരളീധരനും ജില്ലാ സെക്രട്ടറിമാരായേക്കും.
TAGS : M V GOVINDAN
SUMMARY : MV Govindan will continue as CPM state secretary
