കളമശേരി ഗവ. പോളിടെക്നിക് കോളജ് ഹോസ്റ്റലിലെ ലഹരിവേട്ടയില് മുഖ്യപ്രതി പിടിയില്. കൊല്ലം സ്വദേശിയായ മൂന്നാം വര്ഷ വിദ്യാര്ഥി അനുരാജാണ് പിടിയിലായത്. ഇയാള്ക്ക് വേണ്ടിയാണ് കഞ്ചാവ് കൊണ്ട് വന്നത് എന്നതടക്കം ഇന്നലെ പിടിയിലായ പൂര്വ വിദ്യാര്ഥികള് സമ്മതിച്ചിരുന്നു.
ഇന്നലെ തന്നെ ഇയാളെ പിടികൂടാനുള്ള ശ്രമം പോലീസ് ആരംഭിച്ചിരുന്നു. മൊബൈല് ഫോണ് കേന്ദ്രീകരിച്ച് പരിശോധന നടത്തുകയും ചെയ്തു. ആഷിഖും ഷലിഖും നല്കിയ മൊഴിയുടെ അടിസ്ഥാനത്തിലാണ് അനുരാജിലേക്ക് അന്വേഷണമെത്തിയത്. ഇയാളുടെ അക്കൗണ്ടില് നിന്നാണ് ലഹരി വാങ്ങാനുള്ള പണവുമായി ബന്ധപ്പെട്ട ഇടപാടുകള് നടന്നത്.
വിദ്യാര്ഥികള് ലഹരിക്കായി നല്കിയ പണം ഇയാളുടെ അക്കൗണ്ടിലാണ് സമാഹരിച്ചത്. റെയ്ഡ് നടക്കുന്ന സമയം അനുരാജ് അവിടെ ഉണ്ടായിരുന്നില്ല. സുഹൈല് എന്ന് പേരുള്ള ഇതര സംസ്ഥാനക്കാരനില് നിന്നാണ് ലഹരി വാങ്ങിയതെന്നും ആഷിഖും ശാലിഖും മൊഴി നല്കിയിരുന്നു. ഇതും പരിശോധിക്കുന്നുണ്ട്.
TAGS : KALAMASSERI
SUMMARY : Kalamassery ganja case: Main accused Anuraj arrested
