ബെംഗളൂരു : അനധികൃത ഇരുമ്പയിര് കടത്തുകേസിൽ കാർവാർ എംഎൽഎ സതീഷ് സെയിൽ ശിക്ഷിക്കപ്പെട്ട സാഹചര്യത്തിൽ മണ്ഡലത്തിൽ ഉപതിരഞ്ഞെടുപ്പിന് വിജ്ഞാപനം പുറപ്പെടുവിക്കുന്നത് തടഞ്ഞ് ഹൈക്കോടതി. സതീഷ് സെയിൽ നൽകിയ അപേക്ഷയിലാണ് ജസ്റ്റിസ് നാഗപ്രസന്നയുടെ ഇടക്കാല ഉത്തരവ്.
ഉത്തര കന്നഡ ജില്ലയിലെ ബെലെക്കെരെ തുറമുഖത്തിൽനിന്ന് ഇരുമ്പയിര് മോഷ്ടിച്ചു കടത്തിയ കേസിൽ സതീഷ് സെയിലിനെ ആറു കേസുകളിൽ ആറുവർഷംവീതം ബെംഗളൂരുവിലെ ജനപ്രതിനിധികളുടെ പ്രത്യേക കോടതി ശിക്ഷിച്ചിരുന്നു. ഇതിനെതിരെ സതീഷ് സെയിൽ നൽകിയ അപ്പീലിൽ നവംബർ 14 ന് കർണാടക ഹൈക്കോടതി താത്കാലികമായി വിധി തടഞ്ഞിരുന്നു. കേസിൽ ഏഴ് പേർക്ക് ജാമ്യവും അനുവദിച്ചിരുന്നു. അപ്പീലിൽ തീർപ്പു കല്പിക്കുംവരെ ജനപ്രാതിനിധ്യ നിയമത്തിലെ 151-ാംവകുപ്പ് പ്രകാരം കാർവാർ മണ്ഡലത്തിൽ ഉപതിരഞ്ഞെടുപ്പ് വിജ്ഞാപനം ചെയ്യരുതെന്നാണ് കോടതി നിർദേശം.
<BR>
TAGS : KARWAR MLA SATISH SAIL | HIGHCOURT
SUMMARY : Don’t notify Karwar assembly bypoll: Karnataka High Court
