ബെംഗളൂരു: കാറും ലോറിയും കൂട്ടിയിടിച്ചുണ്ടായ അപകടത്തിൽ അഞ്ച് പേർക്ക് ദാരുണാന്ത്യം. ദാവൻഗരെ-ചിത്രദുർഗ റിംഗ് റോഡിൽ സീബാര ഗ്രാമത്തിലാണ് അപകടം നടന്നത്. ടൊയോട്ട ഇന്നോവ എം‌യുവിയും, ലോറിയുമാണ് കൂട്ടിയിടിച്ചത്. ബെംഗളൂരുവിൽ നിന്നുള്ള വിരമിച്ച ബി‌എം‌ടി‌സി ജീവനക്കാരനായ ശാന്തമൂർത്തി (50), വിദ്യാരണ്യപുരയിൽ നിന്നുള്ള രുദ്രസ്വാമി (52), ഈരന്ന ലേഔട്ടിൽ നിന്നുള്ള മല്ലികാർജുൻ (50), മറ്റ്‌ രണ്ട് പേരുമാണ് മരിച്ചത്.
കാറിലുള്ളവർ സാവദത്തിയിലെ രേണുക യെല്ലമ്മ ക്ഷേത്രം സന്ദർശിച്ച് മടങ്ങുന്നതിനിടെയാണ് അപകടം നടന്നത്. എതിർദിശയിൽ നിന്ന് വന്ന ലോറി കാറിലേക്ക് ഇടിക്കുകയായിരുന്നു. അപകടത്തിൽ ഒരാൾക്ക് ഗുരുതര പരുക്കേറ്റു. ഇയാളെ ജില്ലാ ആശുപത്രിയിൽ പ്രവേശിപ്പിച്ചു. ചിത്രദുർഗ റൂറൽ പോലീസ് സംഭവത്തിൽ കേസെടുത്തു.
TAGS: KARNATAKA | ACCIDENT
SUMMARY: Five dead in car-lorry accident in Chitradurga
