ബെംഗളൂരു: കുടകിലെ മടിക്കേരിക്കടുത്ത് ഭൂചലനം അനുഭവപ്പെട്ടു. ബുധനാഴ്ച രാവിലെ 10.49-ന് മടിക്കേരി താലൂക്കിലെ മഡെ ഗ്രാമപ്പഞ്ചായത്തിന് 2.4 കിലോമീറ്റർ വടക്കുപടിഞ്ഞാറായാണ് റിക്ടർ സ്കെയിലിൽ 1.6 തീവ്രത രേഖപ്പെടുത്തിയ ഭൂചലനം അനുഭവപ്പെട്ടത്. മടിക്കേരി പട്ടണത്തിൽനിന്ന് നാലുകിലോമീറ്ററും ഹാരങ്കി അണക്കെട്ടിൽനിന്ന് 23.8 കിലോമീറ്ററും അകലെയായിരുന്നു പ്രഭവകേന്ദ്രം. മോനനഗേരി, ബേട്ടഹൂരു എന്നിവിടങ്ങളിലും ഭൂചലനം അനുഭവപ്പെട്ടിരുന്നു.
അതേസമയം നാശനഷ്ടങ്ങൾ ഒന്നും റിപ്പോർട്ട് ചെയ്തിട്ടില്ല. ചെറിയൊരു ഭൂചലനമാണ് ഉണ്ടായതെന്നും ആശങ്കപ്പെടേണ്ടതില്ലെന്നും ജില്ലാ ദുരന്ത നിവാരണ അതോറിറ്റി അധികൃതർ അറിയിച്ചു.
<br>
TAGS : EARTHQUAKE | KODAGU | MADIKKERI
SIMMARY : Slight earthquake in Kodagu
