ബെംഗളൂരു: കേരളസമാജം കന്റോണ്‍മെന്റ് സോണ്‍ വനിതാവിഭാഗത്തിന്റെ നേതൃത്വത്തില്‍ ക്രിസ്മസ്- പുതുവത്സരാഘോഷം സംഘടിപ്പിച്ചു. ആര്‍ ടി നഗര്‍, കാവേരി നഗര്‍, കെ എച്ച് ബി റോഡ്, ശ്രീ സപ്തഗിരി കോംപ്ലക്‌സിലുള്ള സമാജം ഓഫീസില്‍ വച്ച് നടന്ന ആഘോഷങ്ങള്‍ കേരളസമാജം ഐഎസ് അക്കാദമി മുഖ്യ ഉപദേഷ്ടാവ് ഗോപകുമാര്‍ ഉദ്ഘാടനം ചെയ്തു.
സമാജം കന്റോണ്‍മെന്റ് സോണ്‍ വനിതാ വിഭാഗം ചെയര്‍പേഴ്‌സണ്‍ ദിവ്യ മുരളി അധ്യക്ഷത വഹിച്ചു. ജനറല്‍ സെക്രട്ടറി റജി കുമാര്‍ ക്രിസ്മസ്- പുതുവത്സര സന്ദേശം നല്‍കി. സോണ്‍ ചെയര്‍പേഴ്‌സണ്‍ ലൈല രാമചന്ദ്രന്‍, സമാജം കള്‍ച്ചറല്‍ സെക്രട്ടറി വി മുരളീധരന്‍, സോണ്‍ കണ്‍വീനര്‍ ഹരികുമാര്‍, വനിതാ വിഭാഗം കണ്‍വീനര്‍ ദേവി ശിവന്‍ തുടങ്ങിയവര്‍ സംബന്ധിച്ചു. സമാജം കുടുംബാംഗങ്ങള്‍ അവതരിപ്പിച്ച കലാപരിപാടികള്‍, ഋതിക മനോജ്, ഗോപിക റാണി, കൃഷ്‌ണേന്തു, ജീസന്‍, അമൃത് എന്നിവര്‍ നയിച്ച കരോക്കെ ഗാനമേള എന്നിവ ഉണ്ടായിരുന്നു.
<bR>
TAGS : KERALA SAMAJAM,
