ബെംഗളൂരു: ടോൾ കളക്ഷനിൽ റെക്കോർഡ് വർധനവ് നേടി കെംപെഗൗഡ അന്താരാഷ്ട്ര വിമാനത്താവളത്തിന് സമീപമുള്ള സദഹള്ളി (ദേവനഹള്ളി) ടോൾ പ്ലാസ. 2023-24 സാമ്പത്തിക വർഷത്തിലാണ് എക്കാലത്തെയും ഉയർന്ന ടോൾ കളക്ഷൻ റിപ്പോർട്ട് ചെയ്തിരിക്കുന്നത്. 308.01 കോടി രൂപയാണ് ഈ കാലയളവിൽ ടോൾ പണമായി ലഭിച്ചത്. കർണാടകയിലുടനീളമുള്ള 42 ടോൾ പ്ലാസകളിൽ ഏറ്റവും ഉയർന്ന കണക്ക് കൂടിയാണിത്.
റോഡ് ഗതാഗത, ഹൈവേ മന്ത്രാലയത്തിൻ്റെ കണക്കുകൾ പ്രകാരം 2023-24 കാലയളവിൽ സംസ്ഥാനത്തെ ടോൾ പ്ലാസകളിൽ നിന്നുള്ള മൊത്തത്തിലുള്ള ടോൾ പിരിവ് 2,859.90 കോടി രൂപയാണ്.
ബെംഗളൂരു-നെലമംഗല പ്ലാസയിൽ നിന്നും 2023-24ൽ 103.41 കോടി രൂപ ടോൾ ലഭിച്ചിട്ടുണ്ട്. കഴിഞ്ഞ 10 വർഷമായി ടോൾ പിരിവിൽ ക്രമാതീതമായ വർധനവുണ്ടായിട്ടുണ്ട്. എയർപോർട്ട് റോഡിലാണ് എല്ലാ സാമ്പത്തിക വർഷത്തിലും ടോൾ പിരിവിൽ വർധന രേഖപ്പെടുത്തിയതെന്നും കേന്ദ്ര റോഡ് ഗതാഗത മന്ത്രാലയം അറിയിച്ചു.
TAGS: BENGALURU | TOLL PLAZA
SUMMARY: Bengaluru airport toll plaza achieves decade-high record
