ബെംഗളൂരു: ബെംഗളൂരുവിൽ പാർക്കിലെ ഇരുമ്പ് ഗേറ്റ് തകർന്നുവീണ് പതിനൊന്നുകാരൻ മരിച്ച സംഭവത്തിൽ ബിബിഎംപി ഉദ്യോഗസ്ഥനെ സസ്പെൻഡ് ചെയ്തു. അസിസ്റ്റൻ്റ് എഞ്ചിനീയർ ശ്രീനിവാസ് രാജുവിനെതിരെയാണ് നടപടി. വിഷയത്തിൽ ഇദ്ദേഹത്തിന് കാരണം കാണിക്കൽ നോട്ടീസ് നൽകിയിട്ടുമുണ്ട്.
ഞായറാഴ്ചയാണ് മല്ലേശ്വരം രാജ ശങ്കര പാർക്കിൽ സുഹൃത്തിനൊപ്പം കളിക്കുന്നതിനിടെ ഏഴടി ഉയരമുള്ള ഇരുമ്പ് ഗേറ്റ് കുട്ടിയുടെ ദേഹത്തേക്ക് വീണത്. ഉടൻ തന്നെ കുട്ടിയെ കെസി ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബിബിഎംപിയുടെ അനാസ്ഥയാണ് അപകടത്തിനു കാരണമെന്ന് കുട്ടിയുടെ രക്ഷിതാക്കൾ ആരോപിച്ചിരുന്നു.
മരിച്ച കുട്ടിയുടെ കുടുംബത്തിന് അഞ്ച് ലക്ഷം രൂപ നഷ്ടപരിഹാരം നൽകുമെന്ന് ഉപമുഖ്യമന്ത്രി ഡി. കെ. ശിവകുമാർ പറഞ്ഞു. സംഭവത്തിൽ ബിബിഎംപി അസിസ്റ്റൻ്റ് എക്‌സിക്യൂട്ടീവ് എഞ്ചിനീയർമാരായ കെ. ശാന്തല, ദേവരാജു, ബേബി ആയിഷ ഹുസൈൻ എന്നിവരെ സസ്പെൻഡ് ചെയ്യാനുള്ള നടപടികൾ പുരോഗമിക്കുകയാണ്, സോണൽ എക്‌സിക്യൂട്ടീവ് എഞ്ചിനീയർ എൽ. വെങ്കിടേഷിന് കാരണം കാണിക്കൽ നോട്ടീസ് നൽകിയിട്ടുണ്ട് എന്നും അദ്ദേഹം പറഞ്ഞു.
TAGS: BENGALURU | BBMP
SUMMARY: BBMP official suspended after park gate collapse kills 11-year-old Bengaluru boy
