ബെംഗളൂരു: മെട്രോ ട്രാക്കിലേക്ക് മരം പൊട്ടിവീണ് പർപ്പിൾ ലൈനിലെ സർവീസ് തടസപ്പെട്ടു. സ്വാമി വിവേകാനന്ദ റോഡിനും ഇന്ദിരാനഗർ സ്റ്റേഷനുമിടയിൽ ബുധനാഴ്ച രാവിലെയാണ് സംഭവം. രണ്ട് മണിക്കൂറോളമാണ് ട്രെയിൻ സർവീസ് തടസപ്പെട്ടത്. രാവിലെ 6.15 തൊട്ട് രണ്ട് മണിക്കൂർ നേരത്തേക്ക് ഇന്ദിരാനഗർ മുതൽ ചല്ലഘട്ട, ബൈയപ്പനഹള്ളി മുതൽ വൈറ്റ്ഫീൽഡ് വരെയുള്ള രണ്ട് സെഗ്‌മെൻ്റുകളിൽ മാത്രമാണ് ട്രെയിൻ സർവീസ് നടത്തിയത്.
പിന്നീട് പർപ്പിൾ ലൈനിലൂടെയുള്ള മുഴുവൻ സേവനങ്ങളും 8.05ന് പുനസ്ഥാപിച്ചു. യാത്രക്കാർക്ക് ബുദ്ധിമുട്ടുണ്ടാകാതിരിക്കാൻ എംജി റോഡിനും ബൈയപ്പനഹള്ളിക്കും ഇടയിൽ ഫീഡർ ബസ് സർവീസ് ഏർപ്പെടുത്തിയതായും ബിഎംആർസിഎൽ അറിയിച്ചു.
TAGS: BENGALURU | NAMMA METRO
SUMMARY: Bengaluru Metro services on Purple Line disrupted briefly after tree falls on track
