കൊച്ചി: ഹേമ കമ്മിറ്റി റിപ്പോര്ട്ടിന്മേല് രജിസ്റ്റര് ചെയ്തത് ആകെ 33 കേസുകള്. 33 കേസുകളില് എസ്ഐടി അന്വേഷണം പുരോഗമിക്കുന്നുവെന്ന് സര്ക്കാര് ഹൈക്കോടതിയില് വ്യക്തമാക്കി. ഇതില് 11 കേസുകള് ഒരു അതിജീവിതയുടെ പരാതിയില് രജിസ്റ്റര് ചെയ്തതാണെന്നും സര്ക്കാര് അറിയിച്ചു.
തെളിവുകള് ഇല്ലാത്തതിനാല് നാല് കേസുകളിലെ അന്വേഷണം അവസാനിപ്പിച്ചുവെന്നും സര്ക്കാര് അറിയിച്ചു. ഹേമ കമ്മിറ്റി റിപ്പോര്ട്ട് പരിഗണിക്കുന്ന ഡിവിഷന് ബെഞ്ചിലാണ് സര്ക്കാര് ഇക്കാര്യം അറിയിച്ചത്. ജസ്റ്റീസുമാരായ ജയശങ്കരന് നമ്പ്യാർ, സി.എസ്.സുധ എന്നിവരടങ്ങിയ ബെഞ്ചാണ് കേസ് പരിഗണിച്ചത്.
എല്ലാ കേസുകളിലും ആരോപണ വിധേയരെ തിരിച്ചറിയുകയും തുടർ നടപടികളിലേക്ക് കടക്കുകയും ചെയ്തു. കോടതികളില് നിന്നും മുൻകൂർ ജാമ്യം നേടിയ പ്രതികളെ ചോദ്യം ചെയ്ത ശേഷം അറസ്റ്റ് രേഖപ്പെടുത്തി വിട്ടയച്ചു. കുറ്റപത്രം ഉള്പ്പെടെയുള്ള നടപടികളിലേക്ക് ഉടൻ കടക്കും. തെളിവുകള് ഇല്ലാത്തതിനാല് നാല് കേസുകളിലെ അന്വേഷണം അവസാനിപ്പിച്ചുവെന്നും സര്ക്കാര് വ്യക്തമാക്കി.
TAGS : HEMA COMMITTEE REPORT
SUMMARY : Hema Committee Report: 33 cases pending in Government High Court
