ബെംഗളൂരു: അടിസ്ഥാന സൗകര്യങ്ങളുടെ അഭാവം ചൂണ്ടിക്കാട്ടി സംസ്ഥാനത്തെ 75 സ്വകാര്യ നഴ്‌സിംഗ് കോളേജുകളിൽ പ്രവേശന നിയന്ത്രണം ഏർപ്പെടുത്തി രാജീവ് ഗാന്ധി യൂണിവേഴ്‌സിറ്റി ഓഫ് ഹെൽത്ത് സയൻസസ് (ആർജിയുഎച്ച്എസ്). 2024-25 അധ്യയന വർഷത്തിൽ ഈ കോളേജുകൾക്ക് പുതിയ വിദ്യാർഥികളെ ബിഎസ്‌സി നഴ്‌സിംഗ് കോഴ്‌സിലേക്ക് പ്രവേശിപ്പിക്കാൻ സാധിക്കില്ലെന്ന് ആർജിയുഎച്ച്എസ് വ്യക്തമാക്കി.
ആർജിയുഎച്ച്എസ് പുറത്തുവിട്ട പട്ടിക പ്രകാരം ബെംഗളൂരുവിലെ 32 കോളേജുകൾക്കാണ് പ്രവേശന നിയന്ത്രണം ഏർപ്പെടുത്തിയിട്ടുള്ളത്. ബാക്കിയുള്ള 43 കോളേജുകൾ മംഗളൂരു, ഉഡുപ്പി, ബീദർ, ചിക്കമഗളൂരു, കൽബുറഗി, ചിത്രദുർഗ, ബല്ലാരി തുടങ്ങിയ ജില്ലകളിലാണ്.
പ്രൊഫഷണൽ ഹെൽത്ത് സയൻസ് കോഴ്‌സുകളിൽ ബിഎസ്‌സി നഴ്‌സിംഗ് കോഴ്സുകൾക്ക് വലിയ ഡിമാൻഡാണ്. 2023 മുതൽ ബിഎസ്‌സി നഴ്‌സിംഗ് കോഴ്സുകൾക്ക് സിഇടി വഴി സീറ്റ് അനുവദിക്കുന്നുണ്ട്. സിഇടി 2024ൽ 2.28 ലക്ഷം വിദ്യാർഥികൾ ഈ കോഴ്‌സിന് യോഗ്യത നേടി. കർണാടകയിൽ 615 നഴ്‌സിംഗ് കോളേജുകളുണ്ട്. ഭൂരിഭാഗം മാനേജ്‌മെൻ്റ് ക്വാട്ട സീറ്റുകളിലും കേരളം, വടക്കുകിഴക്കൻ സംസ്ഥാനങ്ങളിൽ നിന്നുള്ള വിദ്യാർഥികളാണ് പ്രവേശനം നേടുന്നത്.
എന്നാൽ നഴ്‌സിംഗ് കോഴ്സുകൾക്ക് യോഗ്യതയുള്ള സ്ഥാപനത്തിന് 100 കിടക്കകളുള്ള പാരൻ്റ് ഹോസ്പിറ്റൽ ഉണ്ടായിരിക്കണം. ബിഎസ്‌സിക്ക് 100 സീറ്റുകൾ അനുവദിക്കുന്നതിന്, നഴ്‌സിംഗ് പ്രോഗ്രാം നടത്തുന്ന ഇൻസ്റ്റിറ്റ്യൂട്ടിന് 300 കിടക്കകളോ അതിൽ കൂടുതലോ ഉള്ള ഒരു പാരൻ്റ് മെഡിക്കൽ കോളേജോ പാരൻ്റ് ഹോസ്പിറ്റലോ ഉണ്ടായിരിക്കണം.
60 സീറ്റുകൾ അനുവദിക്കുന്നതിന്, കോഴ്‌സിനുള്ള അധ്യാപനത്തിനും ഭൗതിക സൗകര്യങ്ങൾക്കും പുറമെ ഇൻസ്റ്റിറ്റ്യൂട്ടിന് 100-300 കിടക്കകളുള്ള ഒരു പാരൻ്റ് ഹോസ്പിറ്റൽ ഉണ്ടായിരിക്കണം. വിശ്രമ മുറി, ലബോറട്ടറി, ലൈബ്രറി, ടീച്ചിംഗ്, നോൺ ടീച്ചിംഗ് സ്റ്റാഫ് മുറികൾ തുടങ്ങിയ നിർബന്ധിത അടിസ്ഥാന സൗകര്യങ്ങളാണ് മറ്റ് മാനദണ്ഡങ്ങൾ.
അടിസ്ഥാന സൗകര്യങ്ങളില്ലാതെ വാടകക്കെട്ടിടത്തിലാണ് പല കോളേജുകളും പ്രവർത്തിക്കുന്നതെന്ന് ആർജിയുഎച്ച്എസ് കണ്ടെത്തി. ചില കോളേജുകളിൽ വിദ്യാർഥികളുടെ ക്ലിനിക്കൽ പ്രാക്ടീസിനായി പാരൻ്റ് മെഡിക്കൽ കോളേജുകളോ പാരൻ്റ് ഹോസ്പിറ്റലുകളോ ഉണ്ടായിരുന്നില്ല. ലബോറട്ടറിയുടെയും ലൈബ്രറിയുടെയും അഭാവം, അധ്യാപകരുടെ കുറവ് എന്നിവയും കണ്ടെത്തി. ഇതോടെയാണ് ഇത്തരം കോളേജുകൾക്ക് പ്രവേശനം നിയന്ത്രിക്കാൻ തീരുമാനിച്ചതെന്ന് ആർജിയുഎച്ച്എസ് വ്യക്തമാക്കി.
TAGS: KARNATAKA | NURSING COLLEGE
SUMMARY: RGUHS restricts admissions in 75 private nursing colleges in Karnataka
ബെംഗളൂരു: മലയാളി ഗായകർക്കായി ഓള്‍ ഇൻഡ്യ മലയാളി അസോസിയേഷൻ (എയ്മ) സംഘടിപ്പിക്കുന്ന ദേശീയ മലയാള സംഗീത മത്സര പരിപാടി “എയ്മ…
പത്തനംതിട്ട: സംസ്ഥാനത്ത് മഴ കനക്കുന്നതിനാല്‍ ഡാമുകള്‍ തുറക്കുന്നു. പത്തനംതിട്ടയിലെ കക്കി ഡാം തുറന്നു. ഡാമിന്റെ 2 ഷട്ടറുകളാണ് തുറന്നത്. പമ്പയുടെ…
ബെംഗളൂരു: തൃശൂർ കുറ്റോർ ചിരാത് മഠത്തിൽ വീട്ടിൽ സി സുകുമാരൻ (80) ബെംഗളൂരുവിൽ അന്തരിച്ചു. ടി.സി. പാളയ സേക്ഡ് ഹാർട്ട്‌…
പെഷവാർ: വടക്കൻ പാകിസ്ഥാനിൽ മിന്നൽ പ്രളയത്തില്‍ മരിച്ചവരുടെ എണ്ണം 300 കടന്നതായി റിപ്പോർട്ട്. ഖൈബർ പഖ്തൂൺഖ്വ പ്രവിശ്യയിലാണ് പ്രളയം ഏറ്റവുമധികം…
തിരുവനന്തപുരം: ഒമ്പത് വയസുകാരിയെ പീഡിപ്പിച്ച കേസില്‍ 46കാരനായ ട്യൂഷന്‍ അധ്യാപകന്‍ അറസ്റ്റില്‍. പോക്‌സോ കേസ് ചുമത്തിയാണ് ട്യൂഷന്‍ അധ്യാപകനെ കരമന…
കോട്ടയം: വീണ്ടും വിവാദ പരാമർശങ്ങളുമായി എസ്‌എൻഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശൻ. പാലായില്‍ ക്രിസ്‌ത്യൻ ആധിപത്യമാണെന്നും തദ്ദേശ സ്ഥാപനങ്ങളില്‍…