ബെംഗളൂരു: ബെംഗളൂരുവിൽ അനധികൃത കയ്യേറ്റങ്ങൾ ഒഴിപ്പിക്കാൻ സമയപരിധി നിശ്ചയിച്ച് ബിബിഎംപി. കഴിഞ്ഞ ദിവസങ്ങളിൽ പെയ്ത മഴയെ തുടർന്ന് നഗരത്തിലെ പ്രധാന റോഡുകളിലുണ്ടായ വെള്ളക്കെട്ടുകളുടെ പശ്ചാത്തലത്തിലാണ് തീരുമാനം. നവംബർ 15നകം കൈയേറ്റങ്ങൾ ഒഴിപ്പിക്കാൻ സോണൽ കമ്മിഷണർമാർക്കും ജോയിൻ്റ് കമ്മിഷണർമാർക്കും നിർദേശം നൽകിയതായി ബിബിഎംപി ചീഫ് കമ്മീഷണർ തുഷാർ ഗിരിനാഥ് പറഞ്ഞു.
അനധികൃത നിർമാണങ്ങൾ പുനരവലോകനം ചെയ്യാനും അടിയന്തരമായി ഒഴിപ്പിക്കുന്നതിനുള്ള ഉത്തരവ് നൽകാനും സോണൽ കമ്മീഷണർമാർക്കും തഹസിൽദാർമാർക്കും അദ്ദേഹം നിർദേശം നൽകി. ബിബിഎംപി ഡാറ്റ പ്രകാരം നഗരത്തിൽ 1,712 കൈയേറ്റങ്ങളാണുള്ളത്. ഇതിൽ 167 കയ്യേറ്റങ്ങൾ ഒഴിപ്പിക്കാൻ കോടതി അടുത്തിടെ ഉത്തരവിട്ടിട്ടും ബിബിഎംപി നടപടി സ്വീകരിച്ചിട്ടില്ല.
മഹാദേവപുരയിൽ 492 കെട്ടിടങ്ങൾ അനധികൃതമായി നിർമിച്ചതാണെന്ന് കണ്ടെത്തിയിട്ടുണ്ട്. ഇവയുടെ ഉടമകൾക്ക് നോട്ടീസ് നൽകിയിട്ടുണ്ട്. ബൊമ്മനഹള്ളിയിൽ 201 കയ്യേറ്റങ്ങൾ കണ്ടെത്തിയെങ്കിലും, ഇവ ഒഴിപ്പിക്കാൻ കോടതി അനുമതി ലഭിച്ചിട്ടില്ല. ആർആർ നഗറിൽ 104 കയ്യേറ്റങ്ങളുണ്ട്, ഇവയിൽ 13 എണ്ണം ഒഴിപ്പിക്കാൻ കോടതി ഉത്തരവിട്ടിട്ടുണ്ട്. ദാസറഹള്ളിയിൽ ആകെ 287 കെട്ടിടങ്ങൾ അനധികൃതമാണെന്ന് കണ്ടെത്തി. ഇവയിൽ 45 എണ്ണം ഒഴിപ്പിക്കാൻ കോടതി ഉത്തരവിട്ടിട്ടുണ്ടെന്ന്. തുഷാർ ഗിരിനാഥ് പറഞ്ഞു.
ഈസ്റ്റ് സോണിൽ 123 അനധികൃത കയ്യേറ്റങ്ങൾ കണ്ടെത്തിയിട്ടുണ്ട്. ഇതിൽ 13 കയ്യേറ്റങ്ങൾ ഒഴിപ്പിക്കാൻ കോടതി അനുമതി നൽകി. വെസ്റ്റ് സോണിൽ 46 ഘടനകളും സൗത്ത് സോണിൽ 46, കോറമംഗലയിൽ 104, യെലഹങ്കയിൽ 359 എന്നിങ്ങനെയാണ് മറ്റ് കണക്കുകൾ.
TAGS: BENGALURU | BBMP
SUMMARY: BBMP sets November 15 deadline to evict encroachments
പാലക്കാട്: വാളയാറിലെ ആള്കൂട്ടക്കൊലപാതകത്തിന്റെ അന്വേഷണം ജില്ലാ ക്രൈംബ്രാഞ്ച് ഏറ്റെടുത്തു. ക്രൈംബ്രാഞ്ച് ഡിവൈഎസ്പി ഗോപകുമാറിന്റെ നേതൃത്വത്തിലുള്ള പ്രത്യേക സംഘം ആണ് അന്വേഷിക്കുക.…
കോഴിക്കോട്: ആറു വയസ്സുകാരനായ മകനെ അമ്മ കഴുത്തു ഞെരിച്ച് കൊലപ്പെടുത്തിയ സംഭവത്തില് കൂടുതല് വിവരങ്ങള് പുറത്ത്. കോഴിക്കോട് കാക്കൂര് രാമല്ലൂര്…
തിരുവനന്തപുരം: പത്മനാഭസ്വാമി ക്ഷേത്രത്തില് മെറ്റാ ഗ്ലാസ് ധരിച്ച് കയറിയ ആളെ കസ്റ്റഡിയിലെടുത്ത് പോലീസ്. ശ്രീലങ്കൻ സ്വദേശിയാണ് പിടിയിലായത്. മെറ്റാ ഗ്ലാസ്…
തിരുവനന്തപുരം: അവധിക്കാലത്ത് ക്ലാസുകള് നടത്താൻ അനുവദിക്കില്ലെന്ന് വിദ്യാഭ്യാസ മന്ത്രി വി ശിവൻകുട്ടി. അവധിക്കാലത്ത് ആരെയും ക്ലാസുകള് നടത്താൻ അനുവദിക്കില്ലെന്നും ഇതുസംബന്ധിച്ച്…
ബെംഗളൂരു: ക്രിസ്മസ്സിനെ വരവേറ്റുകൊണ്ട് കേരളസമാജം ബെംഗളൂരു നോർത്ത് വെസ്റ്റിൻ്റെ കരോൾ ഗായക സംഘം ഭവനങ്ങൾ സന്ദർശിച്ച് കരോൾ ഗാനങ്ങൾ ആലപിക്കുകയും…
വയനാട്: പുല്പ്പള്ളി വണ്ടിക്കടവില് കടുവാക്രമണത്തില് മരിച്ച കൂമൻ മാരൻ്റെ കുടുംബത്തിന് 10 ലക്ഷം രൂപ ധനസഹായം നല്കുമെന്ന് വയനാട് വന്യജീവി…