അന്ത്യോദയ എക്സ്പ്രസ് ട്രെയിൻ പത്ത് ദിവസത്തേയ്ക്ക് റദ്ദാക്കിയതായി ദക്ഷിണ റെയില്‍വേ. താംബരത്തിനും നാഗർകോവിലിനുമിടയില്‍ സർവീസ് നടത്തുന്ന ട്രെയിനാണ് റദ്ദാക്കിയത്. പാതയില്‍ വികസന പ്രവർത്തനങ്ങള്‍ നടക്കുന്നതിനാല്‍ സർവീസ് താത്‌കാലികമായി നിർത്തുന്നുവെന്നാണ് റെയില്‍വേയുടെ വിശദീകരണം.
സാധാരണയായി താംബരത്ത് നിന്ന് നാഗർകോവിലിലേക്ക് രാത്രി 11 മണിക്ക് പുറപ്പെടുന്ന അന്ത്യോദയ എക്സ്പ്രസ് ജൂലായ് 23 മുതല്‍ ജൂലായ് 31 വരെ താത്‌കാലികമായി സർവീസ് നടത്തില്ല. അതുപോലെ, നാഗർകോവില്‍-താംബരം സർവീസ് ജൂലായ് 22 മുതല്‍ മാസാവസാനം വരെ റദ്ദാക്കി. ഈ കാലയളവില്‍, താംബരത്ത് നിന്ന് വൈകിട്ട് 7.30ന് പുറപ്പെടുന്ന ട്രെയിൻ ജൂലായ് 24, 28, 29, 31 തീയതികളില്‍ ചെന്നൈ എഗ്മോറില്‍ നിന്ന് വൈകിട്ട് ഏഴ് മണിക്ക് പുറപ്പെടും.
അതുപോലെ, സാധാരണയായി വൈകുന്നേരം 4.30ന് പുറപ്പെടുന്ന നാഗർകോവിലില്‍ നിന്ന് താംബരത്തേക്കുള്ള ട്രെയിൻ ജൂലായ് 22, 23, 25, 29, 30 തീയതികളില്‍ താംബരത്തിന് പകരം ചെന്നൈ എഗ്മോറില്‍ എത്തിച്ചേരും. താംബരത്ത് എഞ്ചിനീയറിംഗ്, സിഗ്നല്‍ മെച്ചപ്പെടുത്തല്‍ ജോലികള്‍ നടക്കുന്നതിനാല്‍ ചെന്നൈയിലേക്കുള്ള മറ്റ് ട്രെയിനുകള്‍ ഭാഗികമായി റദ്ദാക്കുകയോ വൈകുകയോ ചെയ്യുമെന്നും റെയില്‍വേ അറിയിച്ചു.
സെങ്കോട്ടൈ-താംബരം എക്സ്പ്രസ് (ട്രെയിൻ നമ്പർ 20684) ജൂലായ് 22, 24,26,27,29,31 തീയതികളില്‍ വില്ലുപുരത്ത് താത്‌കാലികമായി നിർത്തിയിടും. താംബരം-സെങ്കോട്ടൈ എക്സ്പ്രസ് (ട്രെയിൻ നമ്പർ 20683) താംബരത്തിന് പകരം ജൂലായ് 24,25,28,30 തീയതികളില്‍ വില്ലുപുരത്തുനിന്ന് പുറപ്പെടും.
റെയില്‍വേ സേവനങ്ങളുടെ സുരക്ഷയും കാര്യക്ഷമതയും ലക്ഷ്യമിട്ടാണ് പ്രവർത്തനങ്ങളെന്നും ട്രാക്കുകളും സിഗ്നലുകളും മെച്ചപ്പെടുത്തുന്നതിന് മാറ്റങ്ങള്‍ ആവശ്യമാണെന്നും റെയില്‍വേ ചൂണ്ടിക്കാട്ടുന്നു. യാത്രക്കാർ മാറ്റങ്ങള്‍ അനുസരിച്ച്‌ യാത്രകള്‍ ക്രമീകരിക്കണമെന്നും പുതിയ വിവരങ്ങള്‍ക്കായി റെയില്‍വേ വെബ്‌സൈറ്റ് സന്ദർശിക്കാനും റെയില്‍ അറിയിച്ചു.
TAGS : ANTYODAYA EXPRESS | CANCELLED
SUMMARY : Antyodaya Express canceled for 10 days
ചാമരാജ്നഗർ: ബന്ദിപ്പൂരിൽ ഫോട്ടെയെടുക്കാൻ ഇറങ്ങിയ വിനോദ സഞ്ചാരിക്ക് നേരെ കാട്ടാന ആക്രമണം. റോഡിൽ നിൽക്കുകയായിരുന്ന കാട്ടാനയുടെ ഫോട്ടോയെടുക്കാൻ ശ്രമിക്കുന്നതിനിടെയാണ് ആക്രമണം.…
തൃശ്ശൂര്‍: തമിഴ്നാട്ടിലെ വാല്‍പ്പാറയില്‍ എട്ട് വയസ്സുകാരനെ പുലി കടിച്ചുകൊന്നു. വാല്‍പ്പാറ വേവര്‍ലി എസ്റ്റേറ്റിലാണ് ആക്രമണമുണ്ടായത്.അസം സ്വദേശികളുടെ മകന്‍ നൂറിൻ ഇസ്ലാമാണ്…
തിരുവനന്തപുരം: തദ്ദേശസ്ഥാപനങ്ങളിലേക്കുള്ള പൊതുതിരഞ്ഞെടുപ്പിനു മുന്നോടിയായി വോട്ടര്‍പട്ടികയിൽ പേരു ചേർക്കുന്നതിനും ഭേദഗതി വരുത്തുന്നതിനും പരാതികൾ സമർപ്പിക്കുന്നതിനുമുള്ള സമയം ചൊവ്വാഴ്ച അവസാനിക്കും. കരട് പട്ടിക…
ബെംഗളൂരു: ബെളഗാവിയില്‍ രണ്ട് ദളിത് യുവാക്കളെ മരത്തിൽ കെട്ടിയിട്ട് ക്രൂരമായി മർദ്ദിച്ചു. രാംദുർഗ് താലൂക്കിലെ ഗോഡാച്ചി ഗ്രാമത്തിൽ ഓഗസ്റ്റ് 5…
കണ്ണൂർ: ശിക്ഷകഴിഞ്ഞ് ജയിലിൽ നിന്നിറങ്ങി വീട്ടിൽ പോകാൻ ബൈക്ക് മോഷ്ടിച്ച പ്രതിയെ പോലീസ് അറസ്റ്റ് ചെയ്‌തു. കണ്ണൂർ സെൻട്രൽ ജയിലിൽ…
തിരുവനന്തപുരം: കേരളത്തിൽ ഒറ്റപ്പെട്ടയിടങ്ങളിൽ ബുധനാഴ്‌ച വരെ ഇടിമിന്നലോടു കൂടിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. ചൊവ്വാഴ്ച കോട്ടയം, എറണാകുളം,…