ബെംഗളൂരു: അടുത്ത വര്‍ഷം ഫെബ്രുവരിയില്‍ കൊച്ചിയിൽ നടക്കുന്ന ആഗോള നിക്ഷേപക സംഗമത്തിനു മുന്നോടിയായി ബെംഗളൂരുവിൽ കേരള വ്യവസായ വകുപ്പ്‌ സംഘടിപ്പിച്ച റോഡ്‌ ഷോ ശ്രദ്ധേമായി. കേരളത്തിലേക്ക്‌ കൂടുതൽ നിക്ഷേപം ആകർഷിക്കുകയെന്ന ലക്ഷ്യത്തോടെ കേരളത്തിന് പുറത്ത്‌ സംഘടിപ്പിച്ച രണ്ടാമത്തെ ഇൻഡസ്ട്രിയൽ റോഡ്ഷോ മന്ത്രി പി രാജീവ്‌ ഉദ്‌ഘാടനംചെയ്‌തു. കേരളം വ്യവസായ സൗഹൃദമല്ലെന്ന തെറ്റിദ്ധാരണയ്‌ക്ക്‌ മാറ്റം വന്നതായി മന്ത്രി പറഞ്ഞു. നിരവധി നിക്ഷേപങ്ങൾ സംസ്ഥാനത്തേക്ക്‌ എത്തി. 25 വർഷത്തിനിടെ കേരളത്തിൽ ഒരു ഫാക്‌ടറിയിലും ഉദ്യോഗസ്ഥർ ആക്രമിക്കപ്പെട്ടിട്ടില്ല. കൂടുതൽ നിക്ഷേപകരെ ആകർഷിക്കുകയാണ്‌ ലക്ഷ്യമിടുന്നതെന്നും മന്ത്രി പറഞ്ഞു.
പരിപാടിയുടെ ഭാഗമായി കോൺഫെഡറേഷൻ ഓഫ് ഇന്ത്യൻ ഇൻഡസ്ട്രിയുമായി സഹകരിച്ച് വ്യവസായ പ്രമുഖരുമായും നിക്ഷേപകരുമായും കൂടിക്കാഴ്ച നടത്തി. നിക്ഷേപ സാധ്യത പ്രയോജനപ്പെടുത്തി കേരളത്തെ പ്രധാന വ്യവസായ -വാണിജ്യ കേന്ദ്രമാക്കുന്നതിന്റെ ഭാഗമാണ് കൂടിക്കാഴ്ചയെന്ന്‌ മന്ത്രി പി രാജീവ്‌ പറഞ്ഞു. സംസ്ഥാനത്തെ നിക്ഷേപ സാധ്യതയും സർക്കാരിന്റെ വ്യവസായ- വാണിജ്യ നയങ്ങളും കൂടിക്കാഴ്ചയിൽ ചർച്ച ചെയ്തു.
എയ്റോസ്പേസ്, പ്രതിരോധം, നിർമിതബുദ്ധി, റോബോട്ടിക്സ്, ജൈവസാങ്കേതിക വിദ്യ, ഇലക്ട്രോണിക് വാഹനങ്ങൾ, ഡിസൈനും ഉൽപ്പാദനവും, ഭക്ഷ്യസംസ്കരണം, വിവരസാങ്കേതിക വിദ്യ, ലോജിസ്റ്റിക്സ്, മാരിടൈം, കപ്പൽനിർമാണം, മെഡിക്കൽ ഉപകരണങ്ങൾ, പാക്കേജിങ്‌, ഗവേഷണ-വികസനം, പുനരുപയോഗിക്കാവുന്ന ഊർജ്ജ സ്രോതസുകൾ, മാലിന്യ സംസ്കരണവും പുനരുപയോഗവും തുടങ്ങിയ മേഖലകളിലാണ് ആശയവിനിമയം നടന്നത്‌. സി.ഐ.ഐ. വൈസ് ചെയർമാൻ രബീന്ദ്ര ശ്രീകണ്ഠൻ, പി.കെ. സ്റ്റീൽ കാസ്റ്റിങ് കമ്പനി ജോയന്റ് മാനേജിങ് ഡയറക്ടർ കെ.ഇ. ഷാനവാസ്, വിപ്രോ കൺസ്യൂമർ കെയർ എച്ച്.ആർ. വിഭാഗം വൈസ് പ്രസിഡന്റ് ബിജു ജോൺ, സി.ഐ.ഐ. കേരള ചെയർമാൻ വിനോദ് മഞ്ഞില എന്നിവരും സംസാരിച്ചു.
<br>
TAGS : GIM | KERALA
SUMMARY : Global Investors Summit. Kerala by presenting a road show in Bengaluru
ബെംഗളൂരു: ബെംഗളൂരുവിൽ തെരുവ് നായ്ക്കളുടെ ആക്രമണത്തിൽ രണ്ട് കോളേജ് വിദ്യാർഥിനികൾക്ക് പരുക്ക്. കെങ്കേരിക്ക് സമീപത്തുള്ള ജ്ഞാന ഭാരതി ക്യാമ്പസിനുള്ളില്‍ ചൊവ്വാഴ്ച…
തിരുവനന്തപുരം: സൗത്ത് സെൻട്രൽ റെയിൽവേയ്ക്ക് കീഴിലെ പാതകളില്‍ ട്രാക്ക് നിർമാണ പ്രവൃത്തികള്‍ നടക്കുന്നതിനാല്‍ കേരളത്തിലൂടെ സര്‍വീസ് നടത്തുന്ന ആറ് ട്രെയിനുകൾ…
ഡല്‍ഹി: ആധാര്‍ കാര്‍ഡ് പൗരത്വത്തിൻ്റെ നിർണായക തെളിവായി കണക്കാക്കാനാവില്ലെന്ന് സുപ്രീം കോടതി. തിരഞ്ഞെടുപ്പ് കമ്മീഷൻ്റെ വാദം ശരിവെച്ചുകൊണ്ടാണ് സുപ്രീം കോടതിയുടെ…
തിരുവനന്തപുരം: സ്‌കൂളുകളിലെ ആഘോഷ ദിനങ്ങളില്‍ കുഞ്ഞുങ്ങള്‍ക്ക് യൂണിഫോം നിർബന്ധമാക്കില്ലെന്ന് പ്രഖ്യാപിച്ച്‌ മന്ത്രി വി ശിവൻകുട്ടി. ആഘോഷവേളകളില്‍ കുഞ്ഞുങ്ങള്‍ വർണ പൂമ്പാറ്റകളായി…
കൊച്ചി: നടിയെ ആക്രമിച്ച കേസില്‍ വിചാരണ നടപടികള്‍ നീളുന്നതില്‍ റിപ്പോർട്ട് തേടി ഹൈക്കോടതി. ജില്ലാ ജുഡീഷ്യറിയുടെ ചുമതലയുള്ള രജിസ്ട്രാർ ആണ്…
കോഴിക്കോട്: കണ്ണൂർ തലശേരിയിലെ പുഴയില്‍ കണ്ടെത്തിയ അജ്ഞാത മൃതദേഹം കോഴിക്കോട് തടമ്പാട്ടു താഴത്ത് വൃദ്ധ സഹോദരിമാരെ കൊലപ്പെടുത്തിയ കേസിലെ പ്രതിയായ…