ബെംഗളൂരു: ഇലക്ട്രോണിക് സിറ്റിക്ക് സമീപം കണ്ടെത്തിയ പുള്ളിപ്പുലിയെ വനം വകുപ്പ് പിടികൂടി. വനംവകുപ്പ് ടാസ്ക് ഫോഴ്സ് വെച്ച കെണിയിൽ പുലി കുടുങ്ങുകയായിരുന്നു. ഇലക്ട്രോണിക് സിറ്റിയെയും പരിസര പ്രദേശങ്ങളെയും കഴിഞ്ഞ ഒരാഴ്ചയായി ഭീതിയിലാഴ്ത്തിയ പുലിയാണ് കുടുങ്ങിയത്.
ഡ്രോണുകളും സിസിടിവി കാമറ ദൃശ്യങ്ങളുമാണ് പുലിയെ പിടികൂടാൻ സഹായിച്ചതെന്ന് ടാസ്ക് ഫോഴ്സ് അറിയിച്ചു. ഒരു പ്രദേശത്ത് പുലിയുടെ സാന്നിധ്യം കൂടുതലായി കണ്ടെത്തുകയും അവിടെ കെണി സ്ഥാപിച്ചുമാണ് പുലിയെ പിടികൂടിയത്.
ഇലക്ട്രോണിക് സിറ്റിയിലെ ടോൾ പ്ലാസയിലെ സിസിടിവിയിലാണ് കഴിഞ്ഞയാഴ്ച പുള്ളിപ്പുലിയുടെ ദൃശ്യങ്ങൾ കണ്ടെത്തിയത്. ടോൾ പ്ലാസയ്ക്ക് സമീപമുള്ള ഫ്ളൈഓവർ കടക്കുന്ന പുള്ളിപ്പുലിയുടെ ദൃശ്യങ്ങളാണ് ലഭിച്ചത്. ഫേസ് 1 ടോൾ പ്ലാസയിലെ സിസിടിവിയിലാണ് ദൃശ്യങ്ങൾ പതിഞ്ഞിരുന്നത്. പനക് ഇന്ത്യ കമ്പനി പ്രദേശത്ത് നിന്ന് നെട്ടൂർ ടെക്നിക്കൽ ട്രെയിനിംഗ് ഫൗണ്ടേഷൻ (എൻടിടിഎഫ്) ഗ്രൗണ്ടിലേക്കാണ് പുലി പോയതെന്ന് വനം വകുപ്പ് സ്ഥിരീകരിച്ചിരുന്നു. ക്യാമ്പസിൽ വനം വകുപ്പും പോലീസും ചേർന്ന് പരിശോധന നടത്തിയെങ്കിലും പുലിയെ പിടികൂടാനായിരുന്നില്ല.
Forest department officials capture a leopard near Electronic City in Bengaluru. Time to declare all areas around Bengaluru as ecologically sensitive zone and stop all development activities. Stop lecturing people of Western Ghats, focus on your own Bengaluru “environmentalists”. pic.twitter.com/C5jjMxsKBp
— DP SATISH (@dp_satish) September 25, 2024
TAGS: BENGALURU | LEOPARD
SUMMARY: Leopard found near electronic city caught
