ബെംഗളൂരു: എപിഎംസി മാർക്കറ്റിന് സമീപമുണ്ടായ വാതക ചോർച്ച കാരണം ദേഹാസ്വാസ്ഥ്യം അനുഭവപ്പെട്ട 45 പേരെ ആശുപത്രിയിൽ പ്രവേശിപ്പിച്ചു. ചിത്രദുർഗയിലെ ഹൊസദുർഗ ടൗണിൽ തിങ്കളാഴ്ചയാണ് സംഭവം. മാർക്കറ്റിന് സമീപത്തെ വാട്ടർ ടാങ്കിൽ ജലശുദ്ധീകരണത്തിനായി കൊണ്ടുവന്ന ക്ലോറിൻ വാതകം ചോർന്നതാണ് അപകട കാരണം. 45 പേർക്ക് ശ്വാസംമുട്ടലും ഛർദ്ദിയും അനുഭവപ്പെടുകയായിരുന്നു.
ഇവരെ ഹൊസദുർഗ താലൂക്ക് ആശുപത്രിയിൽ പ്രവേശിപ്പിച്ചു. ഹൊസദുർഗ എം.എൽ.എ ബി.ജി.ഗോവിന്ദപ്പയും ഡെപ്യൂട്ടി കമ്മീഷണർ വെങ്കിടേഷും ആശുപത്രി സന്ദർശിച്ച് സ്ഥിതിഗതികൾ വിലയിരുത്തി. സംഭവത്തിൽ വിശദ അന്വേഷണം നടത്തുമെന്നും രോഗബാധിതരുടെ ചികിത്സ സൗജന്യമായിരിക്കുമെന്നും എം.എൽ.എ ബി.ജി.ഗോവിന്ദപ്പ അറിയിച്ചു.
TAGS: KARNATAKA | FALLEN ILL
SUMMARY: 45 taken ill after chlorine gas leak
