ബെംഗളൂരു: കർണാടക – മഹാരാഷ്ട്ര അതിർത്തി ജില്ലകളിലെ സ്കൂളുകളിൽ കന്നഡ പഠിപ്പിക്കാൻ നിയോഗിച്ച മറാത്തി അധ്യാപകരെ പിൻവലിക്കണമെന്ന് ആവശ്യം. സ്കൂളുകളിൽ കന്നഡ പരിശീലനം നേടിയ അധ്യാപകരെ നിയമിക്കാൻ സംസ്ഥാന സർക്കാർ മഹാരാഷ്ട്ര സർക്കാരിനോട് ഔദ്യോഗികമായി അഭ്യർത്ഥിച്ചതായി കന്നഡ – സാംസ്കാരിക മന്ത്രി ശിവരാജ് തംഗദഗി വെള്ളിയാഴ്ച അറിയിച്ചു.
കർണാടകയുമായി അതിർത്തി പങ്കിടുന്ന തെക്കൻ മഹാരാഷ്ട്രയിലെ സാംഗ്ലി, സോലാപൂർ ജില്ലകളിൽ കന്നഡ പഠിപ്പിക്കുന്നത് മറാത്തി അധ്യാപകരാണ്. ഇവരുടെ നിയമനവുമായി ബന്ധപ്പെട്ട് നിരവധി പരാതികൾ ഉയർന്നിട്ടുണ്ടെന്ന് മന്ത്രി പറഞ്ഞു. ഭാഷാ വിദ്യാഭ്യാസ കാര്യങ്ങളിൽ ഇരു സംസ്ഥാനങ്ങളും തമ്മിലുള്ള സഹകരണം നിർബന്ധമാണെന്ന് മന്ത്രി പറഞ്ഞു.
സ്കൂളുകളിലേക്ക് കന്നഡ പരിശീലനം ലഭിച്ച അധ്യാപകരെ നിയമിക്കുന്നതിന് സർക്കാർ സഹായം ലഭ്യമാക്കുമെന്നും മന്ത്രി വ്യക്തമാക്കി. നേരത്തെ കാസർഗോഡ് ജില്ലയിലെ കന്നഡ സ്കൂളുകളുടെ കാര്യത്തിലും കർണാടക സർക്കാർ സമാനമായ പ്രശ്നം ഉന്നയിച്ചിരുന്നു. കന്നഡ പഠിപ്പിക്കാൻ മലയാളം അധ്യാപകരെ നിയമിച്ചത് സംസ്ഥാന സർക്കാർ വിവാദമാക്കുകയും ചെയ്തിരുന്നു. പിന്നീട് കർണാടകയുടെ അഭ്യർത്ഥനയെത്തുടർന്ന് കേരള സർക്കാർ മലയാളം അധ്യാപകരെ മാറ്റി കന്നഡ അധ്യാപകരെ നിയമിക്കുകയായിരുന്നു.
TAGS: KARNATAKA| KANNADA| TEACHERS
SUMMARY: Demand for withdrawal of marathi teachers appointment for teaching kannada
ബെംഗളൂരു: പത്മശ്രീ ജേതാവും ഗ്രാമി അവാർഡ് ജേതാവുമായ റിക്കി കേജിന്റെ വീട്ടിൽ മോഷണം. വ്യാഴാഴ്ച വൈകീട്ട് ആറോടെയാണ് സംഭവം. റിക്കി…
നെടുങ്കണ്ടം: തദ്ദേശ തിരഞ്ഞെടുപ്പ് ഫലം പുറത്ത് വന്നതിന് പിന്നാലെ വോട്ടർമാർ നന്ദികേട് കാണിച്ചുവെന്ന തന്റെ പരാമർശത്തിൽ ഖേദം പ്രകടിപ്പിച്ച് മുൻ…
തിരുവനന്തപുരം: നെടുമങ്ങാട് അഴീക്കോട് ഹോട്ടലിൽ ഗ്യാസ് സിലിണ്ടർ പൊട്ടിത്തെറിച്ചുണ്ടായ അപകടത്തിൽ മൂന്നുപേർക്ക് ഗുരുതര പരുക്ക്. ഇന്ന് രാവിലെ ഭക്ഷണം തയ്യാറാക്കുന്നതിനിടെയാണ്…
തിരുവനന്തപുരം: തിരുവനന്തപുരം കോർപറേഷനിലെ യു.ഡി.എഫ് സ്ഥാനാർഥി കുഴഞ്ഞുവീണ് മരിച്ചു. ഇടവക്കോട് വാർഡിൽ മത്സരിച്ച സിനി(50) ആണ് മരിച്ചത്. ശ്രീകാര്യത്തിലുള്ള വീട്ടിൽ…
ബെംഗളൂരു: കണ്ണൂർ അലവിൽ സ്വദേശി കെ പി വസന്തന് (74) ബെംഗളൂരുവില് അന്തരിച്ചു. ടി.സി. പാളയ, കിത്തിഗന്നൂർ ന്യൂ സിറ്റി…
ബെംഗളൂരു: ടിബറ്റൻ ആത്മീയ നേതാവായ ദലൈലാമ കർണാടകയില് എത്തി. ഉത്തര കന്നഡ ജില്ലയിലെ മുണ്ട്ഗോഡ് ടിബറ്റൻ കേന്ദ്രത്തിലെ ഡ്രിപങ് ഗൊമാങ്…