കാട്ടാനയുടെ ആക്രമണത്തിൽ വയോധികക്ക് ദാരുണാന്ത്യം

ബെംഗളൂരു: കാട്ടാനയുടെ ആക്രമണത്തിൽ വയോധികക്ക് ദാരുണാന്ത്യം. മടിക്കേരി ദേവരക്കാട് പൈസരിയിൽ ബുധനാഴ്ചയാണ് സംഭവം. ഇതേ ഗ്രാമത്തിൽ താമസിക്കുന്ന തോട്ടം തൊഴിലാളി ഗൗരി (65) ആണ് മരിച്ചത്. ആക്രമണത്തിൽ ഗൗരി സംഭവസ്ഥലത്ത് വെച്ച് തന്നെ മരിച്ചു. ജോലി കഴിഞ്ഞ് വീട്ടിലേക്ക് പോവുകയായിരുന്ന ഗൗരിയെ ആന പെട്ടെന്ന് ആക്രമിക്കുകയായിരുന്നു.

തിത്തിമതി എസിഎഫ് ഗോപാൽ, ആർഎഫ്ഒ ഗംഗാഷാദർ, പൊന്നമ്പേട്ട് ബ്ലോക്ക് കോൺഗ്രസ് പ്രസിഡൻ്റ് മിദേര നവീൻ, സെക്രട്ടറി എ.ജെ.ബാബു, ദേവ്പൂർ സോണൽ കോൺഗ്രസ് പ്രസിഡൻ്റ് ബസന്ത്കുമാർ, തിത്തിമതി ഗ്രാമപഞ്ചായത്ത് അംഗം അഫ്രോസ് എന്നിവരും സ്ഥലത്തെത്തി അന്വേഷണം നടത്തി. ഗൗരിയുടെ മൃതദേഹം ഗോണിക്കൊപ്പ സർക്കാർ ആശുപത്രിയിലേക്ക് മാറ്റി. സംഭവവുമായി ബന്ധപ്പെട്ട് ഗോണിക്കൊപ്പ പോലീസ് സ്‌റ്റേഷനിൽ കേസ് രജിസ്റ്റർ ചെയ്തു.

TAGS: KARNATAKA | WILD ELEPHANT | ATTACK
SUMMARY: Woman plantation labourer killed in wild tusker attack