ബെംഗളൂരു: കായിക താരങ്ങൾക്ക് സർക്കാർ ജോലിയിൽ സംവരണം ഉടൻ നടപ്പാക്കുമെന്ന് മുഖ്യമന്ത്രി സിദ്ധരാമയ്യ അറിയിച്ചു. ഒളിമ്പിക്സ്, പാരാലിമ്പിക്സ്, ഏഷ്യൻ ഗെയിംസ്, പാരാ ഏഷ്യൻ ഗെയിംസ്, കോമൺവെൽത്ത് ഗെയിംസ് എന്നിവയിൽ മെഡൽ നേടിയ സംസ്ഥാനത്തെ 12 കായികതാരങ്ങൾക്ക് സർക്കാർ ജോലി വാഗ്ദാന കത്ത് വിതരണം ചെയ്ത് സംസാരിക്കുകയായിരുന്നു അദ്ദേഹം.
വിവിധ സർക്കാർ വകുപ്പുകളുടെ ഓഫർ ലെറ്ററുകളാണ് കായികതാരങ്ങൾക്ക് വിതരണം ചെയ്ത്. കായികരംഗത്ത് നേട്ടമുണ്ടാക്കുന്നവരെ റിക്രൂട്ട് ചെയ്യുന്നതിന് സർക്കാർ പ്രാധാന്യം നൽകുന്നുണ്ടെന്ന് അദ്ദേഹം പറഞ്ഞു. എല്ലാ വകുപ്പുകളിലേക്കും റിക്രൂട്ട്മെൻ്റിൽ 2 ശതമാനം സംവരണം നൽകിയിട്ടുണ്ട്. ഇത് സംബന്ധിച്ചുള്ള ഔദ്യോഗിക അറിയിപ്പുകൾ ഉടൻ പുറത്തുവിടും. ബിരുദധാരികൾക്ക് ഗ്രൂപ്പ് എ, ബി എന്നീ വിഭാഗങ്ങളിലും പ്രീ-യൂണിവേഴ്സിറ്റി പാസായവർക്ക് ഗ്രൂപ്പ് സി, ഡി എന്നീ വിഭാഗങ്ങളിലുമാണ് ജോലി ലഭിക്കുകയെന്നും അദ്ദേഹം പറഞ്ഞു.
പോലീസ്, വനം വകുപ്പുകളിൽ കായികതാരങ്ങൾക്ക് 3 ശതമാനവും മറ്റ് എല്ലാ വകുപ്പുകളിലും 2 ശതമാനവും ജോലികൾ സംവരണം ചെയ്തുകൊണ്ട് കരട് വിജ്ഞാപനം ഇതിനകം പുറപ്പെടുവിച്ചിട്ടുണ്ടെന്നും അദ്ദേഹം പറഞ്ഞു. അന്തിമ വിജ്ഞാപനം ഉടൻ പുറപ്പെടുവിക്കുമെന്നും മുഖ്യമന്ത്രി കൂട്ടിച്ചേർത്തു. 2016-17ൽ സിദ്ധരാമയ്യ മുഖ്യമന്ത്രിയായിരിക്കെയാണ് കായികതാരങ്ങൾക്ക് സർക്കാർ ജോലി നൽകണമെന്ന ആശയം ആദ്യമായി മുന്നോട്ടുവച്ചത്.
ഒളിമ്പിക്സിലും മറ്റ് അന്താരാഷ്ട്ര കായിക മത്സരങ്ങളിലും കൂടുതൽ കായികതാരങ്ങൾ രാജ്യത്തെ പ്രതിനിധീകരിക്കണം. ഇത്തരമൊരു അന്തരീക്ഷം സൃഷ്ടിക്കാനും കായിക താരങ്ങളെ പ്രോത്സാഹിപ്പിക്കാനും സർക്കാർ പ്രതിജ്ഞാബദ്ധമാണെന്നും മുഖ്യമന്ത്രി പറഞ്ഞു.
TAGS: KARNATAKA | SPORTS
SUMMARY: Job quota for sportspersons to be a reality soon: Karnataka CM
ഇന്ഡോര്: മധ്യപ്രദേശിലെ ഭഗീരഥപുരയില് മലിനജലം കുടിച്ച് ഒമ്പതുപേര് മരിച്ചു. ദേഹാസ്വാസ്ഥ്യമനുഭവപ്പെട്ട അനവധി പേരെ ആശുപത്രിയില് പ്രവേശിപ്പിച്ചു. മരണപ്പെട്ടവരുടെ കുടുംബാംഗങ്ങള്ക്ക് സംസ്ഥാന…
ബെംഗളൂരു: കന്നഡ സിനിമയിലെ ഇതിഹാസ താരങ്ങളായ ശിവരാജ് കുമാർ, ഉപേന്ദ്ര, രാജ് ബി. ഷെട്ടി എന്നിവർ ഒന്നിക്കുന്ന ബ്രഹ്മാണ്ഡ ചിത്രം…
ബെംഗളൂരു: ദക്ഷിണ കന്നഡ ജില്ലയിലെ പുത്തൂരില് റിട്ടയേർഡ് പ്രിൻസിപ്പലിന്റെ വീട്ടിൽ അതിക്രമിച്ചു കയറി മോഷണത്തിന് ശ്രമിക്കുകയും ദമ്പതികളെ ആക്രമിക്കുകയും ചെയ്ത…
മലപ്പുറം: പുഴയിൽ കുളിക്കാനിറങ്ങിയ അമ്മയും മകനും മുങ്ങിമരിച്ചു. ഇന്ന് വൈകുന്നേരമാണ് സംഭവം. തിരുവനന്തപുരം സ്വദേശിയും പടിഞ്ഞാറ്റു മുറിയിലെ താമസക്കാരിയുമായ സിബിന…
തിരുവനന്തപുരം: ബെംഗളൂരുവിലെ ബുള്ഡോസര് രാജ് വിവാദങ്ങള്ക്കിടെ ശിവഗിരിയില് വേദി പങ്കിട്ട് മുഖ്യമന്ത്രി പിണറായി വിജയനും കര്ണാടക മുഖ്യമന്ത്രി സിദ്ധരാമയ്യയും. വര്ക്കല ശിവഗിരി…
തിരുവനന്തപുരം: സംസ്ഥാനത്തെ പോലീസ് സേനയുടെ തലപ്പത്ത് അഴിച്ചുപണി. ഐജി, ഡിഐജി തലത്തില് മാറ്റം. ആര് നിശാന്തിനി ഐപിഎസിനെ പോലീസ് ആസ്ഥാനത്തെ…