കാറുകൾ കൂട്ടിയിടിച്ച് അപകടം; രണ്ടു പേർ മരിച്ചു

ബെംഗളൂരു: കാറുകൾ കൂട്ടിയിടിച്ചുണ്ടായ അപകടത്തിൽ രണ്ടു പേർ മരിച്ചു. റാച്ചൂർ- ബെളഗാവി ഹൈവേയിൽ ഹുങ്കുണ്ട് താലൂക്കിലെ റാക്കസാഗി ഗ്രാമത്തിന് സമീപം വ്യാഴാഴ്ച ഉച്ചയോടെയാണ് അപകടമുണ്ടായത്. ബദാമി താലൂക്കിലെ നെലവാഗി ഗ്രാമത്തിൽ നിന്നുള്ള ഗംഗമ്മ വീരേഷ് ഗൗഡ (50), സന്ദേശ് അംഗടി (20) എന്നിവരാണ് മരിച്ചത്. അപകടത്തിൽ മറ്റു രണ്ടു പേർക്ക് പരുക്കേറ്റു.

എതിർദിശകളിൽ നിന്ന് വന്ന രണ്ടു കാറുകളും കൂട്ടിയിടിക്കുകയായിരുന്നു. ഗംഗമ്മ സംഭവസ്ഥലത്ത് വെച്ചും സന്ദേശ് ആശുപത്രിയിലേക്ക് പോകും വഴിയുമാണ് മരിച്ചത്. അപകടത്തിൽ വീരേഷ് അംഗടി (55), സതീഷ് അംഗടി (28) എന്നിവർക്ക് ഗുരുതര പരുക്കേറ്റു. ഇവരെ ബാഗൽകോട്ടിലെ ആശുപത്രിയിലേക്ക് മാറ്റി. ഇടിയുടെ ആഘാതത്തിൽ രണ്ട് കാറുകളുടെയും മുൻഭാഗം പൂർണമായും തകർന്നു. സംഭവത്തിൽ അമിൻഗഡ് പോലീസ് കേസ് രജിസ്റ്റർ ചെയ്തു.

TAGS: KARNATAKA | ACCIDENT
SUMMARY: Two dead, two injured as two cars collide head-on