1 min.Read

കാളവണ്ടിയുമായി ബൈക്ക് കൂട്ടിയിടിച്ച് അപകടം; മൂന്ന് പേർ മരിച്ചു

February 12, 2025

ബെംഗളൂരു: കാളവണ്ടിയുമായി ബൈക്ക് കൂട്ടിയിടിച്ചുണ്ടായ അപകടത്തിൽ മൂന്ന് പേർ മരിച്ചു. ഹാവേരി റാണെബെന്നൂർ താലൂക്കിലെ ഗുഡഗുർ ക്രോസിന് സമീപം ചൊവ്വാഴ്ചയാണ് അപകടമുണ്ടായത്. ശശികുമാർ ഉപ്പാർ (25), ആകാശ് ബിരാദാർ (23), ദർശൻ (23) എന്നിവരാണ് മരിച്ചത്. ഇവർ സഞ്ചരിച്ച ബൈക്കിലേക്ക് കാളവണ്ടി ഇടിക്കുകയായിരുന്നു.

ഹനുമാനമട്ടിയിൽ നിന്ന് മൈലാര മേളയിലേക്ക് മൂവരും ബൈക്കിൽ പോകുമ്പോഴാണ് അപകടമുണ്ടായത്. ദർശനും ആകാശും മൂന്നാം വർഷ ബിഎസ്‌സി വിദ്യാർഥികളായിരുന്നു, ശശികുമാർ ഹനുമാനമട്ടിയിലെ ഹോട്ടൽ ജീവനക്കാരനാണ്. അപകടത്തിൽ ബൈക്ക് പൂർണമായും തകർന്നു. സംഭവത്തിൽ റാണെബെന്നൂർ റൂറൽ പോലീസ് കേസെടുത്തു.

TAGS: BIKE ACCIDENT
SUMMARY: Three youth dies as bike collides with bullock cart

ന്യൂസ് ബെംഗളൂരു ഡോട്ട് കോം വായനക്കാരുടെ ശ്രദ്ധയ്ക്ക്: അഭിപ്രായങ്ങളും പ്രതികരണങ്ങളും സ്വാഗതം ചെയ്യുന്നു. എന്നാൽ വിദ്വേഷം, വെറുപ്പ്, വ്യക്തിപരമായ അധിക്ഷേപം, തെറ്റായ വിവരങ്ങൾ എന്നിവ ഉൾപ്പെടുന്ന അഭിപ്രായങ്ങൾ അനുവദിക്കില്ല. എല്ലാ അഭിപ്രായങ്ങളും ഇന്ത്യൻ സൈബർ നിയമങ്ങൾക്കും കമ്മ്യൂണിറ്റി മാർഗ്ഗനിർദ്ദേശങ്ങൾക്കും വിധേയമായിരിക്കും. ന്യൂസ് ബെംഗളൂരു ഡോട്ട് കോമിന് അനുചിതമായ അഭിപ്രായങ്ങൾ നീക്കം ചെയ്യാനുള്ള അവകാശമുണ്ട്.