കാസറഗോഡ്: ട്രെയിൻ പോകുന്ന സമയത്ത് റെയില്‍വേ ട്രാക്കില്‍ കല്ലും മരക്കഷണങ്ങളും കയറ്റിവച്ച യുവാവ് പിടിയില്‍. പത്തനംതിട്ട ഇലന്തൂർ സ്വദേശി ജോജി തോമസി (30)നെയാണ് ബേക്കല്‍ പോലീസ് പിടികൂടിയത്. ഇന്നലെ പുലർച്ചെ 1.40 നും 1.50 നും ഇടയില്‍ ഹസ്രത്ത് നിസാമുദ്ദീൻ സൂപ്പർഫാസ്റ്റ് ട്രെയിൻ കടന്നുപോകുന്ന സമയത്ത് കോട്ടിക്കുളം, ബേക്കല്‍ഫോർട്ട് റെയില്‍വേ സ്റ്റേഷനുകള്‍ക്കിടയില്‍ തൃക്കണ്ണാടിനു സമീപത്താണു ട്രാക്കില്‍ കല്ലും മരവും വച്ചത്.
ട്രെയിൻ ഇതിനു മുകളിലൂടെ കടന്നുപോയെങ്കിലും അപകടമുണ്ടാകാതെ രക്ഷപ്പെട്ടു. രാത്രി കളനാട് തുരങ്കത്തിലൂടെ ഇയാള്‍ ചൂട്ട് കത്തിച്ചുപിടിച്ചു വരുന്നത് മറ്റൊരു ട്രെയിനിന്‍റെ ലോക്കോ പൈലറ്റ് കണ്ടിരുന്നു. ഇവിടെയും ട്രാക്കില്‍ മരക്കഷണം കയറ്റിവച്ചിരുന്നു. ട്രാക്കിനു സമീപം ചൂട്ട് വലിച്ചെറിഞ്ഞതിനെ തുടർന്ന് ഉണക്കപ്പുല്ലിനു തീപിടിക്കുകയും ചെയ്തു.
റെയില്‍വേ സീനിയർ സെക്ഷൻ എൻജിനിയർ എൻ. രഞ്ജിത് കുമാറാണ് ബേക്കല്‍ പോലീസില്‍ പരാതി നൽകിയത്. റെയില്‍വേ അധികൃതർ നൽകിയ വിവരങ്ങളുടെ അടിസ്ഥാനത്തില്‍ പോലീസ് നടത്തിയ തിരച്ചിലിലാണ് രണ്ടു സംഭവങ്ങളിലും ഉള്‍പ്പെട്ടത് ഒരാള്‍ തന്നെയാണെന്ന് തിരിച്ചറിഞ്ഞത്.
TAGS : LATEST NEWS
SUMMARY : Youth arrested for setting fire to Kasaragod railway track with stones and logs
ടെഹ്റാൻ: ഇസ്രയേൽ ആക്രമണത്തിൽ പരുക്കേറ്റ് ചികിത്സയിലായിരുന്ന ഇറാൻ റവല്യൂഷനറി ഗാർഡ് കമാൻഡ് സെന്റർ തലവൻ അലി ശാദ്മാനി മരിച്ചു. ജൂൺ…
ന്യൂഡൽഹി: 2019ലെ ബാലാകോട്ട് വ്യോമാക്രമണത്തിനിടെ ഇന്ത്യന്‍ വ്യോമസേന പൈലറ്റ് അഭിനന്ദന്‍ വര്‍ധമാനെ പിടികൂടിയ പാക് സൈനിക സംഘത്തിലെ ഉദ്യോഗസ്ഥൻ കൊല്ലപ്പെട്ടു.…
തിരുവനന്തപുരം: സംസ്ഥാനത്ത് 5 ദിവസം ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ബംഗാൾ ഉൾക്കടലിൽ പുതിയ ന്യൂനമർദം…
മലപ്പുറം: നിലമ്പൂർ വാണിയമ്പുഴയിൽ കാട്ടാന ആക്രമണത്തിൽ കൊലപ്പെട്ടയാളുടെ മൃതദേഹം പോസ്റ്റ്മോർട്ടത്തിനായി മറുകരയിലെത്തിക്കാനുള്ള ശ്രമം തുടരുന്നു. ചാലിയാറിലെ കനത്ത കുത്തൊഴുക്കാണ് ദൗത്യം…
ബെംഗളൂരു: വിഖ്യാത ഡച്ച് ചിത്രകാരൻ വിൻസന്റ് വാൻഗോഗിന്റെ സൃഷ്ടികൾ പരിചയപ്പെടുത്തുന്ന " ദ റിയൽ വാൻഗോഗ് ഇമെർസീവ് എക്സ്പീരിയൻസ് "…
ബെംഗളൂരു: നഗരത്തിൽ മഴക്കാലത്തിനു മുന്നോടിയായുള്ള അറ്റക്കുറ്റപ്പണികൾ നടക്കുന്നതിനാൽ വിവിധ ഇടങ്ങളിൽ ഇന്ന് വൈദ്യുതി മുടങ്ങുമെന്ന് ബെസ്കോം അറിയിച്ചു. രാവിലെ 10…