പാരീസ്‌: കാന്‍ ചലച്ചിത്ര മേളയുടെ 77–-ാം പതിപ്പില്‍ രണ്ടാമത്തെ വലിയ പുരസ്‌കാരമായ ഗ്രാന്‍ പ്രീ പുരസ്കാരം നേടി പായല്‍ കപാഡിയയുടെ ‘ഓള്‍ വി ഇമാജിന്‍ ആസ് ലൈറ്റ്’. മൂന്ന് പതിറ്റാണ്ടിനുശേഷമാണ് ഒരു ഇന്ത്യന്‍ ചിത്രം കാന്‍ ഫെസ്റ്റിവല്‍ വേദിയിലേക്കെത്തുന്നത്. പായല്‍ കപാഡിയയുടെ ആദ്യ സംരംഭമായ ചിത്രത്തില്‍ മലയാളി താരങ്ങളായ കനി കുസൃതിയും ദിവ്യപ്രഭയുമാണ് പ്രധാന വേഷങ്ങള്‍ ചെയ്തിരിക്കുന്നത്. വ്യാഴം രാത്രി മേളയിൽ പ്രദർശിപ്പിച്ച ചിത്രത്തിന്‌ വൻ സ്വീകാര്യത ലഭിച്ചിരുന്നു. അന്താരാഷ്‌ട്ര നിരൂപകരുൾപ്പെടെ കപാഡിയയുടെ കഥപറച്ചിൽ വൈദഗ്ധ്യത്തെ പ്രശംസിച്ചു. 80 ശതമാനവും മലയാളഭാഷയിലുള്ള ചിത്രത്തില്‍ അസീസ് നെടുമങ്ങാടും ഒരു കഥാപാത്രത്തെ അവതരിപ്പിച്ചിട്ടുണ്ട്. ഫിലിം ആന്‍ഡ് ടെലിവിഷന്‍ ഇന്‍സ്റ്റിറ്റ്യൂട്ട് ഓഫ് ഇന്ത്യയിലെ പൂര്‍വ വിദ്യാര്‍ഥിയായ പായല്‍ കപാഡിയയുടെ ഡോക്യുമെന്ററി ‘എ നൈറ്റ് ഓഫ് നോയിങ് നത്തിങ്ങി’ന് 2021-ല്‍ കാനിലെ ‘ഗോള്‍ഡന്‍ ഐ’ പുരസ്കാരം ലഭിച്ചിരുന്നു.
അമേരിക്കൻ സംവിധായകൻ സീൻ ബേക്കർ ഒരുക്കിയ ‘അനോറ’ മേളയിലെ പരമോന്നത പുരസ്‌കാരമായ പാംദോർ സ്വന്തമാക്കി. ഗ്രാൻഡ് ടൂർ ഒരുക്കിയ മിഗ്വേൽ ഗോമസാണ്‌ മികച്ച സംവിധായകൻ. കർല സോഫിയ ഗാസ്‌കോൻ, സലീന ഗോംസ്‌, സോ സാൽഡ്‌ന, അഡ്രിയാന പാസ്‌ എന്നിവർ മികച്ച നടിക്കുള്ള പുരസ്കാരം പങ്കിട്ടു. ജെസ്‌ പ്ലെമൻസാണ്‌ മികച്ച നടൻ. മേളയിലെ മികച്ച ഹ്രസ്വചിത്രത്തിനുള്ള ലാ സിനിഫ്‌ പുരസ്കാരം ഇന്ത്യൻ ചിത്രമായ ‘സൺഫ്ലവേഴ്‌സ്‌ വേർ ദി ഫസ്റ്റ്‌ വൺസ്‌ ടു നോ’യ്ക്ക് ലഭിച്ചിരുന്നു. പുണെ എഫ്‌ടിഐഐ വിദ്യാർഥിയായ ചിദാനന്ദ്‌ നായ്ക്കാണ്‌ സംവിധായകൻ. ഉത്തര്‍പ്രദേശിലെ മീററ്റില്‍നിന്നുള്ള മന്‍സി മഹേശ്വരി സംവിധാനം ചെയ്ത ബണ്ണിഹുഡ് എന്ന ബ്രിട്ടീഷ്‌ ചിത്രത്തിനും പുരസ്‌കാരമുണ്ട്‌. 14ന് ആരംഭിച്ച മേള ശനിയാഴ്‌ച സമാപിച്ചു.
കോട്ടയം: ബിരിയാണിയില്‍ നിന്ന് ചത്ത പഴുതാരയെ കിട്ടിയ സംഭവത്തില്‍ ഹോട്ടലിനും ഓണ്‍ലൈന്‍ ഭക്ഷണ വിതരണ പ്ലാറ്റ്ഫോമായ സൊമാറ്റോയ്ക്കും പിഴ ചുമത്തി…
ബെംഗളൂരു: ഡൽഹിയിൽ നിന്നു ബെംഗളൂരുവിലേക്ക് പോയ എയർ ഇന്ത്യ വിമാനം അടിയന്തരമായി നിലത്തിറക്കി. സാങ്കേതിക തകരാറിനെ തുടർന്ന് ഭോപ്പാൽ രാജ് ഭോജ്…
തൃശൂര്‍: നിരവധി ക്രിമിനല്‍ കേസുകളിലെയും മോഷണക്കേസുകളിലെയും പ്രതിയായ കുപ്രസിദ്ധ മോഷ്ടാവ് പോലീസ് കസ്റ്റഡിയില്‍ നിന്ന് രക്ഷപ്പെട്ടു. തെങ്കാശി സ്വദേശിയായ ബാലമുരുകൻ…
ബെംഗളൂരു: കരസേനയുടെ ബെംഗളൂരു റിക്രൂട്ടിങ് ഓഫിസിനു കീഴിലുള്ള അഗ്നിവീർ റിക്രൂട്‌മെന്റ് റാലി 13 മുതൽ 19 വരെ ബെള്ളാരി ജില്ലാ…
ബെംഗളൂരു: തേനീച്ച ആക്രമണത്തെ തുടർന്ന് 30 വിദ്യാർഥികൾക്ക് പരുക്കേറ്റു. കുടക് വിരാജ്‌പേട്ട ഗവ. പ്രൈമറി സ്‌കൂളിൽ തിങ്കളാഴ്ച രാവിലെയാണ് സംഭവം.…
ബെംഗളൂരു: ബെളഗാവിയിലെ സ്‌കൂൾ ഹോസ്‌റ്റലിൽ ഭക്ഷ്യ വിഷ ബാധയുണ്ടായതിനെ തുടർന്ന് 12 വിദ്യാർഥികളെ ആശുപത്രിയിൽ പ്രവേശിപ്പിച്ചു. ചിക്കോടി താലൂക്കിലെ ഹിരെകൊടി…