കാർ നിയന്ത്രണം വിട്ട് മറിഞ്ഞ് രണ്ട് മരണം

ബെംഗളൂരു: നിയന്ത്രണം വിട്ട കാർ റോഡിൽ മറിഞ്ഞുണ്ടായ അപകടത്തിൽ രണ്ട് എഞ്ചിനീയറിങ് വിദ്യാർഥികൾ മരിച്ചു. ഹാസനിലെ ചന്നരായപട്ടണത്തിന് സമീപം ശനിയാഴ്ചയാണ് അപകടമുണ്ടായത്. ബെംഗളൂരു സ്വദേശികളായ സൂരജ് (19), അനീഷ് (19) എന്നിവരാണ് മരിച്ചത്. ഒപ്പമുണ്ടായിരുന്ന ഭുവൻ, വിശാൽ, പൂർണചന്ദ്ര എന്നിവർക്ക് ഗുരുതരമായി പരുക്കേറ്റു.

അഞ്ച് പേരും ബെംഗളൂരുവിലെ സ്വകാര്യ എഞ്ചിനീയറിങ് കോളേജ് വിദ്യാർഥികളാണ്. ഹാസനിൽ നിന്ന് ബെംഗളൂരുവിലേക്ക് മടങ്ങവേയാണ് സംഭവം. പരുക്കേറ്റ വിദ്യാർഥികളെ സമീപത്തെ ആശുപത്രിയിൽ പ്രവേശിപ്പിച്ചു. സംഭവത്തിൽ ചന്നരായപട്ടണ ട്രാഫിക് പോലീസ് കേസെടുത്തു.

TAGS: BENGALURU | ACCIDENT
SUMMARY: Two students from Bengaluru die in accident near Channarayapatna