കോഴിക്കോട്: മെഡിക്കല് കോളേജില് ഒ പി ടിക്കറ്റിന് 10 രൂപ നിരക്കില് ഫീസ് ഈടാക്കാന് തീരുമാനം. ഡിസംബര് ഒന്നു മുതല് തീരുമാനം നിലവില് വരും. ജില്ലാ കളക്ടര് സ്നേഹികുമാര് സിംഗിന്റെ അധ്യക്ഷതയില് ചേര്ന്ന ആശുപത്രി വികസന സമിതി യോഗത്തിന്റേതാണ് തീരുമാനം.
മെഡിക്കല് കോളേജ് ആശുപത്രി, ഐഎംസിഎച്ച്, ഡെന്റല് കോളേജ്, ഇന്സ്റ്റിറ്റ്യൂട്ട് ഓഫ് ചെസ്റ്റ് ഡിസീസസ് എന്നിവിടങ്ങളില് ഒ പി ടിക്കറ്റ് നിരക്ക് ബാധകമാണ്. മെഡിക്കല് കോളജ് ആശുപത്രിയുടെ ദൈനംദിന പ്രവര്ത്തനങ്ങള്ക്കും വികസന പ്രവൃത്തികള്ക്കും മറ്റുമുള്ള ചെലവ് വലിയ തോതില് വര്ധിച്ച സാഹചര്യത്തില് അതിനുള്ള സാമ്ബത്തിക സ്രോതസ്സ് കണ്ടെത്തുകയെന്ന ലക്ഷ്യത്തോടെയാണ് ആശുപത്രി വികസന സമിതി ഇത്തരമൊരു തീരുമാനം കൈക്കൊണ്ടത്.
കോഴിക്കോട്ടും പരിസര ജില്ലകളിലും നിന്നുള്ള ആയിരക്കണക്കിന് രോഗികള് ആശ്രയിക്കുന്ന ആശുപത്രി എന്ന നിലയില് മെഡിക്കല് കോളേജിന്റെ പ്രവര്ത്തനങ്ങള് മെച്ചപ്പെടുത്തുകയെന്നത് വളരെ പ്രധാനമാണെന്ന് ജില്ലാ കലക്ടര് പറഞ്ഞു. ഒ പി ടിക്കറ്റിന് 10 രൂപ നല്കുകയെന്നത് വ്യക്തികള്ക്ക് വലിയ പ്രയാസമാവില്ലെങ്കിലും അതുവഴി ലഭിക്കുന്ന തുക ആശുപത്രിയുടെ വികസന പ്രവര്ത്തനങ്ങള്ക്ക് വലിയ തോതിലുള്ള മുതല്ക്കൂട്ടാവും.
ഈ തുക ഉപയോഗിച്ച് രോഗികള്ക്കും കൂടെയുള്ളവര്ക്കും മികച്ച രീതിയിലുള്ള ചികിത്സയും സൗകര്യങ്ങളും ഒരുക്കാനാകും എന്നതിനാല് ടിക്കറ്റ് നിരക്ക് ഈടാക്കുന്നതിന്റെ പ്രയോജനം അവര്ക്കു തന്നെയാണ് ലഭിക്കുകയെന്നും ജില്ലാ കലക്ടര് പറഞ്ഞു.
TAGS : KOZHIKOD | MEDICAL COLLEGE
SUMMARY : 10 rupees fee for OP ticket in Kozhikode Medical College from December 1
പാലക്കാട്: ചിറ്റൂരില് ആറ് വയസുകാരനെ കാണാതായി. ചിറ്റൂർ കറുകമണി, എരുമങ്കോട് സ്വദേശികളായ മുഹമ്മദ് അനസ്- തൗഹീദ ദമ്പതികളുടെ മകനായ സുഹാനെയാണ്…
ഹൈദരാബാദ്: 'പുഷ്പ 2: ദ റൂള്' എന്ന സിനിമയുടെ പ്രീമിയർ ഷോയ്ക്കിടെയുണ്ടായ തിക്കിലും തിരക്കിലും പെട്ട് യുവതി മരിച്ച സംഭവത്തില്…
കാസറഗോഡ്: രണ്ടു വയസുകാരൻ കിണറ്റില് വീണ് മരിച്ചു. കാസറഗോഡ് ബ്ലാർകോടാണ് സംഭവം. ഇഖ്ബാല് - നുസൈബ ദമ്പതികളുടെ മകൻ മുഹമ്മദ്…
തിരുവനന്തപുരം: തിരുവനന്തപുരം ജില്ല പഞ്ചായത്ത് പ്രസിഡണ്ട് സ്ഥാനത്തേക്കുള്ള മത്സരത്തില് എല് ഡി എഫിലെ വി പ്രിയദർശിനിക്ക് വിജയം. തിരുവനന്തപുരം ജില്ലാ…
കൊച്ചി: ബലാല്സംഗക്കേസില് രാഹുല് മാങ്കൂട്ടത്തിലിന്റെ അറസ്റ്റ് തടഞ്ഞുള്ള ഉത്തരവ് തുടരും. മുന്കൂര് ജാമ്യാപേക്ഷയില് ജനുവരി ഏഴിനാണ് വാദം കേള്ക്കുക. രാഹുല്…
തിരുവനന്തപുരം: മുഖ്യമന്ത്രി പിണറായി വിജയനും ഉണ്ണികൃഷ്ണൻ പോറ്റിയും ഒന്നിച്ചുള്ള ഫോട്ടോ വക്രീകരിച്ച് സമൂഹ മാധ്യമങ്ങളില് പങ്കുവെച്ച സംഭവത്തില് കോണ്ഗ്രസ് നേതാവ്…