ഗതാഗത നിയമലംഘനം; ബെംഗളൂരു – മൈസൂരു ഹൈവേയിൽ 9 കോടി രൂപ പിഴയീടാക്കി

ബെംഗളൂരു: ഗതാഗത നിയമലംഘനത്തിന് ബെംഗളൂരു – മൈസൂരു ഹൈവേയിൽ 9 കോടി രൂപ പിഴയീടാക്കി ട്രാഫിക് പോലീസ്. കഴിഞ്ഞ ഒരു മാസത്തിനിടെയുള്ള കണക്കുകളാണിതെന്ന് പോലീസ് പറഞ്ഞു. സീറ്റ് ബെൽറ്റുകൾ ഇല്ലാതെ വാഹനമോടിക്കൽ, ലെയ്ൻ അച്ചടക്ക ലംഘനം ഉൾപ്പെടെയുള്ള എല്ലാ ട്രാഫിക് നിയമലംഘനങ്ങളും ഇതിൽ ഉൾപ്പെടുമെന്ന് ട്രാഫിക് പോലീസ് വ്യക്തമാക്കി.

ജൂണിൽ രാമനഗര, മാണ്ഡ്യ, മൈസൂരു എന്നീ പോലീസ് സ്റ്റേഷൻ പരിധികളിൽ നിയമലംഘനം നടത്തി വാഹനമോടിച്ചവർക്കെതിരെ 1,61,491 കേസുകൾ രജിസ്റ്റർ ചെയ്തിരുന്നു.

ബെംഗളൂരു – മൈസൂരു ഹൈവേയിലെ 12 വ്യത്യസ്ത സ്ഥലങ്ങളിൽ സ്ഥാപിച്ചിട്ടുള്ള 40-ലധികം ഓട്ടോമാറ്റിക് നമ്പർ പ്ലേറ്റ് റെക്കഗ്നിഷൻ (എഎൻപിആർ) ക്യാമറകളിലാണ് എല്ലാ നിയമലംഘനങ്ങളും റെക്കോർഡ് ചെയ്തത്.

1.6 ലക്ഷം നിയമലംഘനങ്ങളിൽ, 1.3 ലക്ഷം പേർക്കെതിരെ സീറ്റ് ബെൽറ്റ് ധരിക്കാത്തതിനാണ് കേസെടുത്തത്. അമിതവേഗത്തിന് 7,671 കേസുകൾ, ലെയ്ൻ അച്ചടക്കം ലംഘിച്ചതിന് 12,609, വാഹനമോടിക്കുമ്പോൾ മൊബൈൽ ഫോൺ ഉപയോഗിച്ചതിന് 1,830 കേസുകൾ എന്നിങ്ങനെയാണ് മറ്റുള്ള കണക്കുകൾ.

TAGS: BENGALURU UPDATES | BENGALURU-MYSURU EXPRESS HIGHWAY
SUMMARY: Police collect 9cr fine in a month on Mysuru-Bengaluru highway