ബെംഗളൂരു: ചന്നപട്ടണ ഉപതിരഞ്ഞെടുപ്പിൽ ജെഡിഎസ് സീറ്റിൽ മത്സരിക്കില്ലെന്ന് വ്യക്തമാക്കി നിഖിൽ കുമാരസ്വാമി. മുമ്പ് രണ്ട് തവണ മണ്ഡലത്തിൽ അദ്ദേഹം സ്ഥാനാർഥിയായി നിന്നിട്ടുണ്ടെങ്കിലും പരാജയപ്പെട്ടിരുന്നു. ഇത്തവണ മത്സരിക്കില്ലെന്ന് ഉറപ്പിച്ചതായി നിഖിൽ വ്യക്തമാക്കി.
തനിക്ക് പകരം ജെഡിഎസിലെ യോഗേശ്വർ ചന്നപട്ടണ ഉപതിരഞ്ഞെടുപ്പിൽ സ്ഥാനാർത്ഥിയാകുമെന്നും നിഖിൽ പറഞ്ഞു. നിലവിൽ അദ്ദേഹം ജെഡിഎസ് ആണെങ്കിലും മത്സരിക്കുന്നത് എൻഡിഎ സീറ്റിലാകാൻ സാധ്യതയുണ്ടെന്നും നിഖിൽ വിശദീകരിച്ചു. ഇതിനോടകം തന്നെ മണ്ഡലത്തിൽ കോൺഗ്രസ് സീറ്റിൽ താൻ മത്സരിക്കില്ലെന്ന് ഉപമുഖ്യമന്ത്രി ഡി.കെ. ശിവകുമാറും വ്യക്തമാക്കിയിട്ടുണ്ട്.
സ്ഥാനാർഥിയെ സംബന്ധിച്ച് ബിജെപിയും ഇതുവരെ സൂചനകളൊന്നും നൽകിയിട്ടില്ല. ജൂലൈയിൽ മണ്ഡലത്തിൽ ഉപതെരഞ്ഞെടുപ്പ് നടക്കാനിരിക്കെ പാർട്ടികൾ ഇനിയും സ്ഥാനാർഥികളെ തീരുമാനിക്കാത്തതിൽ രാഷ്ട്രീയ നിരീക്ഷകർ എതിർപ്പ് ഉന്നയിച്ചിട്ടുണ്ട്.
TAGS: KARNATAKA| BYPOLL| NIKHIL KUMARASWAMY
SUMMARY:Nikhil kumaraswamy wont contest bypoll in channapatna
